900 гаруй мян.тн коксжих нүүрсний дотоодын хэрэгцээг бий болгох үйлдвэрийн ТЭЗҮ-г баталлаа
“Эрдэнэс Стийл” ХХК 2017 оны дөрөвдүгээр сараас эхлэн Кокс, ган төмөрлөгийн цогцолбор үйлдвэрийн төслийн ажлыг эхлүүлсэн. Тус үйлдвэрийг Говьсүмбэр аймгийн Баянтал сумын нутагт хэрэгжүүлэхээр зорьж буй бөгөөд үйлдвэрийн ТЭЗҮ-ийг Эрдэс баялгийн мэргэжлийн зөвлөл баталжээ. Ингэснээр Монгол Улс анх удаагаа Кокс, ган төмөрлөгийн цогцолбор үйлдвэрийн ТЭЗҮ-ийг баталж байгаа юм.
Бүтээн байгуулалтын ажил 3.6 жилийн хугацаанд хэрэгжих бөгөөд уг цогцолбор жилд 500 мян.тн кокс, 300 мян.тн ган цувимал бүтээгдэхүүн үйлдвэрлэх хүчин чадалтай юм. Мөн коксын, ширэмний, ган хайлуулах үйлдвэр болон ган цувимал бүтээгдэхүүний үйлдвэр, бусад туслах үйлдвэрээс бүрдэх юм. Уг цогцолбор үйлдвэрт Тавантолгой, Могойн голын коксжих нүүрс, Баянгол, Баргилт, Чойр орчмын бүлэг ордуудын төмрийн хүдэр, баяжмалыг ашиглахаар урьдчилан тооцоолсон байна.
Төсөл хэрэгжсэнээр 900 гаруй мян.тн коксжих нүүрс, 523.5 мян.тн төмрийн хүдэр, баяжмалын дотоодын хэрэглээг бий болгож, нэмүү өртөг шингэсэн эцсийн бүтээгдэхүүний үйлдвэрлэлийг нэмэгдүүлэн, цувимал бүтээгдэхүүний импортын хараат байдлыг багасгана. Мөн 1500 орчим шинэ ажлын байр бий болж, жилд дунджаар 87.7 тэрбум төгрөгийн татвар, хураамжийг улс, орон нутгийн төсөвт төвлөрүүлэх урьдчилсан тооцоо гарчээ.
зочин 1 сарын өмнө
Ийм хэдэн үйлдвэр барихсан
0 0 Хариу бичихЗочин 1 сарын өмнө
Анх удаа ч биш бхаа
0 0 Хариу бичихЗандан 1 сарын өмнө
Дэлгэрсайхан лалараас Ерөө голын уурхайгаа авьяаа
0 0 Хариу бичих