АИХ-ын депутат Д.Жанцангийн нэрэмжит гар бөмбөгийн тэмцээн болж байна

Монгол Улсын Үндсэн хуулийн өдөрт зориулсан АИХ-ын депутат, Улсын Бага хурлын гишүүн, Дорнод аймгийн АДХГЗ-ны орлогч дарга, Нийслэлийн орлогч дарга, Баян-Уул сумын дарга асан, гавьяат эдийн засагч Д.Жанцангийн нэрэмжит гар бөмбөгийн тэмцээний өнөөдөр нээлт Дорнод аймгийн Баян-Уул суманд боллоо. Тэмцээний нээлтэд АИХ-ын депутат Д.Жанцангийн хүү Ж.Болдбаатар Улаанбаатар хотоос хүрэлцэн очиж оролцжээ. Тэмцээнд эрэгтэй 10 баг, эмэгтэй 13 баг өрсөлдөж байна. 

АИХ-ын депутат, гавьяат эдийн засагч Д.Жанцан агсан Говь-Алтай аймгийн Дарви суманд төржээ. Тэрээр 1970 онд МУИС-ийн эдийн засгийн ангийг төгсөөд Дорнод аймагт хуваарилагдан 1970-1975 онд аймгийн нэгдлийн зөвлөл, ХААУГ-т ерөнхий нягтлан бодогч, эдийн засгийн хэлтсийн даргаар ажиллаж байжээ. Улмаар 1978 оноос МАХН-ын Төв хорооны шийдвэрээр Баян-Уул сум, “Онон” сангийн аж ахуйн даргаар ажилласан байна. Тэрээр сум, сангийн аж ахуйгаа 1980-1984 оны хооронд удаа дараа аймгийн тэргүүний сум, байгууллага болгож, социалист уралдаанд I, II байрт байнга шалгарч байв.

Д.Жанцан агсан 1986-1990 онд Дорнод аймгийн АДХ-ын Гүйцэтгэх захиргааны нэгдүгээр орлогч дарга бөгөөд Төлөвлөгөөний комиссын даргаар дэвшин ажилласан бөгөөд 1990 онд болсон АИХ-ын сонгуулиар Дорнод аймгийн 185 дугаар тойргоос депутатаар сонгогдсон аж. АИХ-ын чуулганаас УБХ-ын гишүүн, Орон нутгийн засаг захиргааны асуудал хариуцсан дэд хорооны даргаар сонгогдон ажиллаж байв. Тэрээр Шинэ Үндсэн хуулийн дөрөвдүгээр бүлэг болох “Монгол Улсын засаг, захиргаа, нутаг дэвсгэрийн нэгж, түүний удирдлага” хэсгийн салбар комиссын даргаар ажиллаж АИХ-ын чуулганд оруулан илтгэл тавьж хэлэлцүүлэн батлуулж байжээ. Тэрээр нийслэлийн Засаг даргын орлогч, Засгийн газрын ахлах референт, Монгол Улсын Банкны өр барагдуулах газрын орлогч дарга зэрэг өндөр хариуцлагатай албыг хашиж байсан төр, нийгмийн зүтгэлтэн байв.

Үндсэн хуулийн өдөрт зориулсан АИХ-ын депутат, гавьяат эдийн засагч Д.Жанцангийн нэрэмжит гар бөмбөгийн тэмцээн Дорнод аймгийн Баян-Уул суманд шинээр баригдсан ерөнхий боловсролын сургуулийн зааланд зохион байгуулагдаж байгаа анхны тэмцээн ажээ. Энэ сарын 21-нд шинэ сургуулийн нээлтийн үйл ажиллагаанд зориулсан Аймгийн аварга шалгаруулах Өсвөрийн гар бөмбөгийн тэмцээн зохион байгуулагдах ажээ. Дорнод аймгийн Баян-Уул сумын ерөнхий боловсролын сургууль Улз нутгийн ууган сургууль бөгөөд төр, нийгэм, соёл, урлаг, спортын салбарын олон алдартнуудыг төрүүлэн гаргасан эрдмийн өргөө юм.  

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. 1990 onii huuli batlagchid bol jinehe eh oron,uls ornoo, ard tomee gesen bodoltoi humuus baisan yum.Onoodoriin uls todchid gej oorsodiigoo orgomjilson sarmagchid bol 'ard tumenii toloo" Songogchdiin erh ashigiig hamgaalj tednii duu holoig tord hurgeh" "shudraga es" gem meg goe ugeer halhavchisan shunaliin tulmuud "shudraga es gej huuli usaar hiisen uildlee burhegduuleh nuuh,tsaashlaad ed moriin barimtiig ustgah , erh ashigaa idejuusnaaraa negdsen buleg deeremchdiin bulegleliin suljee bii bolgoj tord shuragluulj hunii olnoor huch turj huuli bus uil ajillagaagaa hamgaalah, huuliin daguud ajillah gesen negenii nuurend oorsodiin hiisen huuli bus uildlee zohiomoor naaj tsahimaar dovtolgoj niigmiin har massig sohroor dagah uildeliig mehnik argaar hiih zergeer toriig huchguiduulj baidag yum baina. Mongol yag iimerguur baidlaar Oyun-Erdene metiin uhaanaasaa shunal ni davsan yum uzeegui ulen nud,tarhitai nohdoor gar holoo bolgoj hiilgedeg yum baina.Deeremchdiin tolgoilogch ni alsaas harj udirdaad deed tushin ni shantaaj hiij suudag yum baina.Ene 2-iin dund alban tushaal haigchid bas gardag yum baina Ovgon ulaan , nambatai tsarailsan N.Nyamaa metiig nerlej boloh kkk

    0 0 Хариу бичих