Лондонгийн металын бирж дээр алт 1288 ам.долларын ханштай байна

Манай улс энэ оны төсөвт алтны дундаж үнэ унци тутамдаа 1262 ам.доллар байхаар төсөөлөөд буй. Тэгвэл өнөөдрийн байдлаар Лондонгийн металын бирж  дээр алтны ханш 1288 ам.доллар байна. Өнгөрсөн онд Төв банк 22 тонн алт худалдан авсан. Энэ нь өмнөх оноос 9.5 хувиар өссөн дүн юм. Ингэснээр манай улсын гадаад валютын нөөц 3.4 их наядад хүрсэн юм. Тэгвэл энэ онд Төв банк 21 тонн алт худалдан авахаар тооцоод буй. Өнөөдрийн байдлаар Монголбанкны  ханшаар алт грамм тутамдаа 110.2 мянган төгрөгийн ханштай байна.

Алтны худалдан авалт өнгөрсөн жил өссөн нь “Эх орныхоо алтыг Эрдэнэсийн сандаа” аяныг улс орон даяар хэрэгжүүлсэнтэй холбон тус банкнаас тайлбарлаж байна. Мөн өнгөрсөн  оны аравдугаар сарын 15, 18-нд Дархан-Уул, Баянхонгор аймагт байгуулсан алтны сорьц тогтоох, худалдан авах нэг цэгийн төв байгуулсан нь үр дүнгээ өгсөн аж.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)