Таканойва дэвжээнийхээ бөхөд гар хүрчээ
Японы мэргэжлийн сүмогийн их аварга Харүмафүжи Д.Бямбадоржид зодуулж гэмтсэн хэмээн шүүхэд нэхэмжлэл гаргаж байсан сүмоч Таканойва А.Баасандорж туслахынхаа биед халдсан талаар Японы сүмогийн холбоо өнөөдөр мэдээлжээ. Японы спортын салбарынхан хүчирхийллийг устгах тунхаг гаргаснаас хойш хоёр сарын дараа ийнхүү 28 настай сүмоч Таканойва өөрөөсөө бие бялдар, зэрэг цол бага бөхийн биед халдлаа хэмээн Японы хэвлэлд бичсэн байна. Сүмогийн холбооны олон нийттэй харилцах хэлтсийн даргын хэлснээр Таканойвад цохиулснаас болж туслахынх нь нүүр нэлээд хавдсан гэнэ. Сүмогийн холбоо өвлийн тойргийн барилдааны дараа Таканойвагийн шийтгэлийг авч хэлэлцэнэ гэнэ.
Өнгөрсөн оны аравдугаар сард Таканойва А.Баасандорж их аварга Харүмафүжи Д.Бямбадоржид зодуулсан тухай дуулиан дэгдсэн. Уг хэрэг явдлаас сарын дараа Харүмафүжи аварга зодог тайлсан билээ. Таканойва энэ оны аравдугаар сард Харүмафүжигээс 24.13 сая иен буюу 211 мянган ам.доллар нэхэмжилж Токио хотын шүүхэд хандсан юм. Энэхүү зодооны хэргийн улмаас Таканойвагийн дэвжээний эзэн, домогт их аварга Таканохана сүмогийн ертөнцийг орхиж байгаагаа зарласан бөгөөд Японы сүмо бөхийн холбоо түүний дэвжээг татан буулгаж, Таканойва зэрэг бөхчүүдийг нь Чиганоура дэвжээнд шилжүүлсэн байна.
Зочин 2018/12/06
Эзний алба ээлжтэй гэж хуучны үг байдаг биздэ.Одоо өөрөө шаварт унаж дээ.
0 0 Хариу бичихЗочин 2018/12/06
Ахын эрдэм дүүд. Ахын сургаал алт.
0 0 Хариу бичихЗочин 2018/12/06
өөрөө л далдаганаад байдаг амьтан бнадаа
1 0 Хариу бичихЗочин 2018/12/06
Ariuhan amitan bish bj
1 0 Хариу бичихЗочин 2018/12/05
Юу л болоод байна даа энэ дэлхий ертөнцөд. Гууртай эрчүүд нүхтэй бүсгүйчүүдтэй нөхцөх учир жанцантай байтал өөртэйгээ адилхан гууртай эр хүн сонирхдог гэдгийг одоо хүртэл ойлгож өгөхгүй яая гэж байхад, зодоон нүдээн тулааны спортын оргил жишээ болсон залуус нэг нэгэндээ зодууллаа гэж гомдоллох болж.
1 0 Хариу бичих