Оюу Толгойн гүний уурхайн ашиглалтыг эхлүүлэх хугацаагаа хойшлуулж байгаагаа Рио Тинто компани мэдэгдсэн тухай mining.com сайтад мэдээлжээ.
Монгол улсын Өмнөговь аймагт байрлах Оюу Толгой төслийн хүрээнд алт, зэсийн уурхайд хийх 12 тэрбум ам.долларын нэмэлт хөрөнгө оруулалтыг хойшлуулж 2021 оны гуравдугаар улиралд төлөвлөсөн тухай уг сайтад нийтэлжээ.
Оюу Толгой төслийн хүрээнд 2021 оны гуравдугаар улиралд баяжмалуудаа дэлхийн зах зээлд нийлүүлж эхлэх боломж дээрх 12 тэрбум ам.долларын нэмэлт хөрөнгө оруулалтаас татгалзах тухай Рио Тинто мэдэгдсэнийг Засгийн газарт нь өгч буй анхааруулга гэж Австралийн сэтгүүлч бичсэн байна. Хэрэв хөрөнгө оруулалт хийгдэхгүй бол төлөвлөгөөт ажил хойшлогдож 6 сараас дээш хугацаагаар нөхцөл байдал хүндрэх аюултай аж. Рио Тинто компанийн хувьд Монгол Улсад үйл ажиллагаа явуулж байгаа Оюу Толгой төсөл жилд 560.000 тонн зэс болон алт гаргаж авах боломжтой юм.
Компанийн захирлуудын зөвлөл нь хоёр жилийн өмнө гүний уурхайн өргөтгөлийг баталсан боловч тус улсын Засгийн газар нь шинээр нөхцөл байдал үүсгэсэн бөгөөд татварын ялгаатай байдлаас гадна эрчим хүчний гэрээг гаргаж ирсэн хэмээн эх сурвалж өгүүлсэн байна. Учир нь уул уурхайгаас хүртэх баялгийн ноогдол ашиг улс орны эдийн засагт чухал нөлөөтэй ч хөрөнгө оруулагчид нөхцөл байдлыг удаашруулахад дээрх хүчин зүйлүүд нөлөөлсөн гэжээ.
Тус компани нь Оюу Толгойн уурхайн эхний үе шатанд 7 тэрбум доллараар илүү хөрөнгө оруулалт хийснээр Монгол Улсын хамгийн том гадаадын хөрөнгө оруулагч гэдгийг гадаадын хэвлэл мэдээллийн байгууллагууд онцолжээ.
