Унгарын зээлээр Биокомбинатыг өргөтгөнө

Хүнс, хөдөө аж ахуй, хөнгөн үйлдвэрийн сайд Б.Батзориг Унгар Улсаас Монгол Улсад суугаа Онц бөгөөд Бүрэн Эрхт Элчин сайд Михай Галошфай болон Унгарын Гадаад хэргийн яамны Газрын дарга ноён Адам Сзүкс нарыг хүлээн авч уулзлаа.

Уулзалтад Мал эмнэлгийн ерөнхий газрын дарга, Монгол Улсын малын ерөнхий эмч, Мал эмнэлгийн хяналтын салбарын ерөнхий байцаагч Д.Түмэндэмбэрэл, ХХААХҮЯ-ны Гадаад хамтын ажиллагааны хэлтсийн дарга Э.Жаргалсайхан нар оролцож, 1973 онд БНУАУ-ын (хуучин нэрээр) техник, эдийн засгийн тусламжтайгаар бүрэн шинэчлэгдэн байгуулагдаж, Унгар-Монголын мэргэжилтнүүд хамтран ажиллаж, 1990 оноос хойш зөвхөн үндэсний мэргэжилтнүүд, мэргэшсэн ажилчид эх орны хэрэгцээт био бэлдмэлийг үйлдвэрлэн нийлүүлж ирсэн Биокомбинатыг шинэчлэн засварлах асуудалд төвлөрөн ярилцлаа.

Уулзалтын үеэр ХХААХҮ-ийн сайд Б.Батзориг "Малын гоц халдварт өвчний үед ОХУ болон гуравдагч орнуудаас вакцин нийлүүлж, дотоодын хэрэгцээгээ үйлдвэрлэж чадахгүй байна. Иймд Европын чанар стандартад нийцсэн вакцин үйлдвэрлэж, дотоодын хэрэгцээгээ хангах нь нэн чухал байгаа. Унгарын Засгийн газар 25 сая ам.долларын хөнгөлөлттэй зээлээр энэ асуудлыг шийдэх гэж байгаад маш баяртай байна" гэж цохон тэмдэглэлээ. Мөн ХАА-н эх орон болсон Унгар улстай мал эмнэлэг, хөнгөн үйлдвэр, жижиг дунд үйлдвэрийн салбарт хамтран ажиллах бүрэн боломж байгааг хэлсэн юм.

Унгар улсын засгийн газраас манай улсад олгосон 25 сая ам.долларын нэн хөнгөлөлттэй зээлээр Биокомбинат ТӨҮГ-н өргөтгөлийн ажлыг тун удахгүй эхлүүлэхийн тулд хоёр талаас харилцан ойлголцлын санамж бичиг байгууллаа.

1-2 жилийн хугацаанд үйлдвэрийн барилгаа барьж мялзан, цэцэг болон вирусийн гаралтай бусад өвчний эсрэг  вакциныг дотооддоо үйлдвэрлэн хэрэгцээгээ хангаад зогсохгүй хяналтаа тавих боломж бүрдэх юм. Өөрөөр хэлбэл, 15-20 сая тун хуурай, 10-15 сая тун шингэн вакцин үйлдвэрлэх хүчин чадалтай, технологийн хувьд шинэ үйлдвэртэй болно. Мөн бүтээгдэхүүнээ олон улсын чанарын түвшинд шалгах лабораторийг үйлдвэрийн дэргэд байгуулах юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Олон жил дуншсан даа. Бараг 10-д жил боллоо. Улс төржөөд л энэ тэр болоод л. Хэн нь илүү идэх үү гэж хоорондоо алалцсаар байтал барих бараа, материалын үнэ ч өсөөд алга боллоо. Баахан вакцин оруулж ирэх гэж жаахан валютаа гадагш урсгалаа. Ингэж намаараа талцаж байхаар жаахан хурдацтайгаар асуудлыг шийдэж баймаар байна даа. Өлзийтогтох гэж дөрвөд идэж ханахгүй шуналтаад л байсан. Болимоор юм.

    0 0 Хариу бичих
  2. ХӨХ НУРУУТААС ОРЖ ЭХЭЛЛЭЭ. ОК. ГАНЦ ХУЖАА ГЭХГҮЙ ЯПОН ОРОС ГЭЭД ХУЖАА ДАНГААР БАЙГАА ГАЗАРТ ОЛОН УЛСАД ГАЗАР ГЭРЭЭГЭЭР ХЭДЭН ЖИЛЭЭР ХИЙЖ ӨГЧ БАЙВАЛ ОК БАЙНА.

    0 0 Хариу бичих
  3. сайхан мэдээ байна

    0 0 Хариу бичих