Бразилийн шигшээгийн супер амжилт

Бразилийн хөлбөмбөгийн шигшээ баг ДАШТ-ий өмнөх хяналтын сүүлийн тоглолтоо Австрийн шигшээтэй хийж, 3:0-ээр буулган бэлтгэл сайтай байгаагаа нотоллоо.

Ингэснээр Титегийн дасгалжуулсан Бразилийн шигшээ өрсөлдөгчөө хуурай хождог нэгэн супер амжилтаа улам ахиулав. Бразилийн дасгалжуулагч Тите ажлаа авснаас хойш багтайгаа 21 тоглолтод оролцож ганцхан удаа хожигджээ. 17 ялж, гурав тэнцэхдээ 45 гоол оруулж, таван гоол алдсан байна. 17 ялалтынхаа 15-ыг нь өрсөлдөгчөө “хуурай” буюу 0-оор нь хожжээ.

2018 он гарсаар бразилчууд дөрөв тоглож дөрөв хожсоны дотор дэлхийн аварга цолыг эзэмшигч Германыг 1:0-ээр буулгаж аваад байна. ДАШТ-ий эхний тоглолтоо бразилчууд энэ сарын 17-нд Доны Ростов хотод Швейцарийн багтай хийнэ.      


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Нэймар л битгий гэмтчихэсэй

    0 0 Хариу бичих