Украины бөхчүүд ЕАШТ-д оролцохоор болов

Eagle.mn


Украины Спорт, залуучуудын асуудал эрхэлсэн сайд Игорь Жданов ОХУ-ын нутаг дэвсгэрт болж байгаа бүх тэмцээнд тамирчдаа оролцохыг хориглосон тушаал гаргасан билээ. Үүнээс үүдэж тус улсын бөхчүүд ОХУ-ын Каспийскэд болох насанд хүрэгчдийн ЕАШТ-д оролцохгүй хэмээн мэдэгдсэн. Тэгвэл Дэлхийн бөхийн нэгдсэн холбоо (UWW)-ны тэргүүн Ненад Лалович Украины эрх баригчдыг буруутгаж, энэ сарын эхээр Киевт болох өсвөрийн ЕАШТ-ийг зохион байгуулах эрхийг нь цуцалж, Македон улсад шилжүүлсэн. Хэрэв Украины бөхчүүд Дагестанд болох ЕАШТ-д оролцохгүй бол ДБНХ-оос тус улсын тамирчдыг тодорхой хугацаагаар тэмцээнд барилдах эрхийг нь хасч магадгүй байдалд хүрээд байсан юм. Харин Украины спортын сайд Жданов шийдвэрээ дахин нэг харж, бөхчүүдээ ЕАШТ-д оролцуулахаар шийдвэрлэсэн байна.

 

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)