Т.Мянганбанзрагч Улаан-Үдэд аваргалав
ОХУ-ын Буриад улсын Хиагт хотод чөлөөт бөхийн өсвөр үеийн "Ковер-Кяхта" олон улсын тэмцээн энэ сарын 13-14-нд болж өнгөрлөө. Энэ жил 19 дэх удаагаа зохиогдсон тус тэмцээнд манай улсаас Налайх дүүргийн 12, Дархан-Уул аймгийн найм, Сэлэнгэ аймгийн долоо, нийт 27 тамирчин, гурван дасгалжуулагчийн удирдлага дор оролцсоноос нэг алт, нэг мөнгө, дөрвөн хүрэл, нийт зургаан медаль хүртэв. Хөвгүүдийн 29 кг-ын жинд Дархан-Уул аймгийн тамирчин Т.Мянганбанзрагч алт, 41 кг-д “Голомт” цогцолбор сургуулийн тамирчин Цэрэндаваа мөнгө, 28 кг-д Налайх дүүргийн тамирчин А.Анх-Эрдэнэ, 45 кг-д Дархан-Уул аймгийн тамирчин Н.Очир-Эрдэнэ, “Голомт” цогцолбор сургуулийн тамирчин Ц.Баярсайхан, 65 кг-д Сэлэнгэ аймгийн тамирчин Бүрэнбаяр хүрэл медалийн эзэн болсон юм. Тус тэмцээнийг манай улсаас олон улсын шүүгч Г.Амархүү, улсын шүүгч М.Кажымухан, Б.Бямбасүрэн нар дэнсэлжээ.
