Ерөнхийлөгч Х.Баттулга дотоодын гутал үйлдвэрлэгчдийн төлөөлөлтэй уулзлаа

Монгол Улсын Ерөнхийлөгч Х.Баттулга өнөөдөр “Best Shoes” гутлын үйлдвэрт зочилж, гутлын үйлдвэрлэл, хүчин чадал, дотоодын зах зээлийн эрэлт, нийлүүлэлтийн асуудлаар гутал үйлдвэрлэгчдийн төлөөлөлтэй ярилцлаа.

“Best Shoes” гутлын үйлдвэрт нь 2001 онд дотоодын хөрөнгө оруулалтаар байгуулагдаж, тасралтгүй үйл ажиллагаа явуулж байгаа юм байна. Одоогийн байдлаар өдөрт 600-700 хос гутал үйлдвэрлэх хүчин чадалтай, өвөл, намар, зун, үндэсний болон ажлын гутал үйлдвэрлэдэг. Гэсэн хэдий ч “Best Shoes” гутлын үйлдвэр нь бүрэн хүчин чадлаа ашигладаггүй бөгөөд ижил төстэй үйлдвэрүүд ч бүрэн хүчин чадлаараа гутал үйлдвэрлэх боломжгүй байдаг байна.

Энэ талаар үйлдвэрийн захирал Б.Түвдэнням “Бид өдөртөө л 600-700 хос гутал үйлдвэрлэх хүчин чадалтай. Гэтэл одоо захиалга авсан үедээ 200-250 хос гутал үйлдвэрлэж байна. Уг нь ажлын гутал үйлдвэрлэж дотоодын хэрэглэгчдээ хангах бүрэн боломжтой байдаг юм. Гэхдээ ажлын гутал хэрэглэдэг дотоодын цэрэг, Онцгой байдлын ерөнхий газар зэрэг хэрэглэгчид тендерээ нэгэн зэрэг зарладаг. Ингэснээр үйлдвэрлэгчид зэрэг тендерт оролцох боломж бүрдэхгүй байгаагаас гадна оролцсон ч тэр бүх гутлыг үйлдвэрлэх цаг хугацааны боломжгүй болдог. Өөрөөр хэлбэл, дотоодын бүх үйлдвэрлэлийн хүчин чадлаас давсан хэмжээний тендер нэг дор зарлачихаар хэн нь ч тендерт оролцож чаддаггүй. Ингээд л олон мянган гутлын захиалга өөр улс руу явдаг. Үйлдвэр, аж ахуйн нэгжүүд тендер гэдэг зүйлийг богино хугацаанд ашиг олох хэрэгсэл гэж хараад байна. Би хувьдаа тендерийг олон шинэ ажлын байр бий болгосон, шинэ технологи, нөү-хау оруулж ирэх үйлдвэрлэлийг дэмжсэн үйл ажиллагаа байгаасай гэж хүсдэг” гэлээ. Тиймээс тэрээр энэ асуудлаар Монгол Улсын Ерөнхийлөгчид хүсэлт гаргаж, тендер зарлагдах хугацаа, дотоодын хууль тогтоомжид өөрчлөлт оруулж өгөхийг хүссэн юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Манайхны Гутал хийж байгаа арьс ширээ дээд зэргээр боловсруулсан байхгүй бол амархан үрчийдэг эдэлгээ даадаггүй,гутлын улны материал их хатуу байдаг учиэрэр хөгшин настай хүмүүст тохиромж муутай байдаг.Гэхдээ энэ үйлдвэрийн хийсэн гутлыг сайн мэдэхгүй юм.Хийсэн гуталаа сайн сурталчилах хэрэгтэй.Тэгвэл монголчууд үндэсний үйлдвэрээ дэмжинэ шүү дээ.

    0 0 Хариу бичих
  2. 1 рт емхий арьсаар уйлдвэрлэхээ болих 2 рт ш/у ны ундэслэлтэй есгий ийм байхад елмий ийм байх естой гэсэн нэг стандарт байдаг туунийг дагаж мердех ингэснээр аарцаг нуруу нугасанд нелеелехгуй хел ядраахгуй тийм стандарт гутал хийх 3 рт хятадын химийн бодисоор зодож боловсруулсан химийн бодис унэртсэн арьсаар хийхгуй байх жич энэ бол маш муу хуний бух мэдрэлийн цэг хелийн уланд байдаг учир химийн бодисоор хордуулахаар чинь бугдээрээ хавдар тусахаас яадаг юм бэ / 4 рт есгий заавал хатуулагатай байх естой гэсэн зарчимаар гутлаа хийгээдхээ монголчуудаа тэгвэл аваад байхаас яах вэ

    0 0 Хариу бичих
  3. Хужаа Америкчуудыг Монголоос хөө гэж биднийг турхирдаг Оросын хүргэн Монголчуудын өмнө гархаараа эсвэл футболктой эсвэл хар нарны шилтэй эсвэл зангиагүй гарч доромжилдогийг нь бид ойлгодоггүй Чукчанууд байсан цагт Монгол ирээдүйгүй.

    0 0 Хариу бичих