Нийслэлийн төр, захиргааны болон харьяа байгууллагуудыг Яармаг орчимд шилжүүлнэ

НИТХ, Засаг даргын Тамгын газар, Захирагчийн ажлын алба, түүний харьяа байгууллагуудыг Хан-Уул дүүргийн 4, 8 дугаар хорооны нутаг дэвсгэр /Яармаг шинэ төв/-т шилжүүлэн байршуулах бэлтгэлээ шуурхай хангаж ажиллахыг Засгийн газрын хуралдаанаас Нийслэлийн Засаг дарга бөгөөд Улаанбаатар хотын захирагчид даалгав.

Энэ нь хотын төвийн хэт төвлөрөл, автомашины түгжрэл, агаарын бохирдлыг бууруулахаас гадна хотын хөгжлийн ерөнхий төлөвлөгөөг хэрэгжүүлж эхлэх, бизнесийн таатай орчин бүрдүүлэх, аялал жуулчлалын шинэ төв байгуулах, иргэдэд нутгийн захиргааны үзүүлэх үйлчилгээний хүртээмжийг сайжруулах зэрэг зорилготой юм.

Нийслэлийн төр, захиргааны байгууллагуудад 1933 хүн ажилладаг бөгөөд өдөрт дунджаар 5700 иргэн, аж ахуйн нэгжид 332 нэр төрлийн үйлчилгээ үзүүлдэг байна. Яармагт шилжүүлснээр үйлчилгээ авах гэсэн дээрх хэдэн мянган хүн хотын төвийг зорих шаардлагагүй болох юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (4)

  1. Яармагт агаар цэвэр анх ярьсан утаатай Баян хошуундаа очиж утаагүй болгоод тэнд төвлөрөл!

    1 0 Хариу бичих
  2. Agaariin tsevriig dagaj nuuj baihiin. Bayankhoshuu nuugeech!

    0 0 Хариу бичих
  3. Мэдрэл муут хойд талын гэр хорооллыг хурдан барилгажуулахгүй улам л зайсан яармаг гээд байх юм. Муу мал

    0 0 Хариу бичих
  4. Хот бол ямар ч төлөвлөлтгүй байгаагийн энгийн жишээ. Батүүл СХД барихаар болсон. Дараагийн мануухай нь яармагт барина гэнэ. Тэрний дараагийнх нь 7 буудалд барина гэж дөвчигнөнө. Яармагийн урд хэсэг тусгай хамгаалалттай газар. Хууль бус газар олгож эзэмшээд дараа нь эрх мэдлэлээрээ өөрийн болгох луйвар.

    1 0 Хариу бичих