Британи улс Европын холбооноос гарсныхаа төлөө хамтран ажиллаж байсан байгууллагуудад нөхөн төлбөр төлөх ёстой байсан бөгөөд хоёр тал хэмжээн дээрээ тохиролцож чадахгүй өдий хүрээд байсан юм. Тэгвэл Тереза Мэйн танхим Европын холбооноос гарсныхаа төлөө тус байгууллагад санал болгох мөнгөн дүнгийн эцсийн хувилбарыг тооцоолж гаргажээ. Тодруулбал, Т.Мэйн Засгийн газар 40 тэрбум фунт стерлинг төлөхөөр санал болгох гэж байгаа талаар Британийн хэвлэлүүдийн өнөөдрийн дугаарт мэдээлж байна.
Тереза Мэй энэхүү саналаа ирэх баасан гаригт Европын зөвлөлийн тэргүүн Дональд Туск албан ёсоор тавих юм байна.
Хэрвээ Европын холбоо энэ саналыг нь хүлээж авахгүй бол Британийн хувьд улс төрийн тогтвортой байдалд нь нөлөөлөх хэмжээний уршиг дагуулна гэж шинжээчид үзэж байна. Т.Мэй “Брексит”-ийн дараа Европын холбоотой хамтрах худалдааны зарчмаа ирэх сард хэлэлцэж эхлэх төлөвлөгөөтэй байгаа. Хэрвээ төлбөрийн асуудал шийдэгдэхгүй бол ядаж л энэ хэлэлцээр хлэх боломжгүйд хүрэх юм.
