Төсөв батлалцаагүй гишүүд

УИХ-ын чуулганы нэгдсэн хуралдаанаар өнөөдөр 2018 оны төсвийн төслийг баталлаа. Монгол Улсын нийгэм, эдийн засгийн байдал ирэх онд ямар байх, ямар бүтээн байгуулалт хийх нь төсвийн хэлэлцүүлгээс шалтгаалдаг. Тийм ч учраас УИХ-ын гишүүн бүр төсвийн хэлэлцүүлэгт идэвх санаачилгатай оролцдог юм. Харин энэ удаад 2018 оны төсвийн төслийг батлах чуулганы нэгдсэн хуралдаанд нэлээд хэдэн гишүүн оролцсонгүй. УИХ-ын Тамгын газраас гаргасан ирцийн мэдээгээр бол Т.Аюурсайхан, С.Жавхлан, Ж.Мөнхбат, Б.Наранхүү, Н.Оюундарь, Ч.Улаан нар тодорхойгүй шалтгаанаар хуралдаа ирсэнгүй. Мөн Б.Бат-Эрдэнэ, Л.Болд, Х.Болорчулуун нар гадаадад, Ж.Эрдэнэбат орон нутагт томилолттой байгаа ажээ. Түүнчлэн Д.Ганболд, Л.Мөнхбаатар, Д.Мурат, Л.Оюун-Эрдэнэ, А.Ундраа, Л.Элдэв-Очир нар эмнэлгийн чөлөөтэй байжээ.

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)