"Дэлхийн мисс 2017" тэмцээн 11 дүгээр сарын 18-ны өдөр БНХАУ-ын Саньяа хотод зохион байгуулагдах гэж байна. Тус тэмцээнд эх орноо төлөөлж Ц.Энхжин оролцож байгаа билээ. Дэлхийн миссийн тэмцээнд Зорилго бүхий гоо бүсгүй, Мисс авъяас, Мисс спорт, Мисс-топ модель болон Мултимедиа гэсэн үндсэн төрөлтэй. Эхний дөрвөн төрөл оролцогчийн бэлтгэл, оролцооноос хамаардаг бол, Мултимедиа төрөл эх орны эв нэгдэл, хамтын дэмжлэгээс шууд хамаардаг аж.
Улсаа төлөөлөн оролцож буй Ц.Энхжин энэ сарын 20-ны өдөр БНХАУ-ыг зорьсон бөгөөд тэрээр шалгаруулалтуудад оролцож, амжилтын буухиаг үргэлжлүүлэн, сайхан мэдээг дуулгасаар байна.
Мисс авьяасын шалгаруулалтын дүнд, Ц.Энхжин 130 орны гоо бүсгүйг гоцлон, тэдэнд бүжгээ зааж, Жалам хар бүжгээ финалын үйл ажиллагаан дээр бүжиглэхээр болжээ.
Тодруулбал, Ц.Энхжин “Авьяаслаг мисс”-ийн номинацид Монгол Улсын Төрийн соёрхолт, Урлагийн гавьяат зүтгэлтэн, найруулагч, бүжиг дэглээч С.Сүхбаатар гуайгаар дэглүүлсэн бүжгээр оролцсон. Түүний энэхүү бүжиг хүн байгальтай хүйн холбоотой учраас байгалиа хайрлая гэдэг агуулга, гүн утга санааг агуулсан аж. Тэгвэл Мисс авьяасын шалгаруулалтын дүнд, Ц.Энхжин 130 орны гоо бүсгүйг гоцлон, тэдэнд бүжгээ зааж, Жалам хар бүжгээ финалын үйл ажиллагаан дээр бүжиглэхээр болжээ.
Түүнчлэн түүний "Дэлхийн мисс" тэмцээнд илгээсэн танилцуулга видео олны таашаалд ихээхэн нийцэж, олны анхаарлыг татсан байна. Мөн танилцуулга бичлэгийг Дэлхийн миссийн байгууллагын тэргүүн, хатагтай өндрөөр үнэлсэн. Түүнчлэн дэлхий дахинд олон мянган хүмүүс үзэж, гайхалтай бичлэгийн талаар сэтгэгдлээ илэрхийлсээр байгаа юм.
Ц.ЭНХЖИНГИЙН ТАНИЛЦУУЛГА ВИДЕО:
“Дэлхийн мисс”-ийн тэмцээнд эх орноо төлөөлөн оролцож буй Ц.Энхжингийн танилцуулга видео олны хүртээлд хүрж, хандалтаар тэргүүлбэл манай оролцогч “Multimedia” шалгаруулалтад түрүүлэхээс гадна автоматаар шилдэг 20 миссийн нэг болох юм Иймд, таны бидний Like, Share хэрэгтэй байна. Үндэсний ялагчаа дэмжицгээе.
Түүнчлэн Дэлхийн миссийн тэмцээний хамгийн гол нэг шалгуур бол "Зорилго бүхий гоо үзэсгэлэн" шалгаруулалт юм. Энэ жил мисс маань хөрсний бохирдлын талаар урт хугацаанд судалгаа хийж, дэлхийн миссийн тэмцээнд энэхүү том сэдвээр оролцохоор буй. Тус сэдэв нь олон нийт, мэргэжилтнүүд анхаарлыг татаж, өндөр үнэлгээ авсан байна. Хэрвээ Зорилго бүхий гоо үзэсгэлэн шалгуурт түрүүлбэл, манай улсад олон улсын сайн үйлсийн байгууллагуудаас хандив орж ирэх үүд хаалга нээгдэх юм.
Эргэн сануулахад, өнгөрсөн жил Дэлхийн мисс тэмцээнд улсаа төлөөлөн оролцсон А.Баярцэцэг шилдэг 11 миссийн нэгээр шалгарч, Монгол улсын рекордыг шинэчилсэн. Тэрээр "Multimedia" шалгаруулалт буюу "Mobstar" аппликейшны санал хураалтад тэргүүлж, энэхүү амжилтын эзэн болсон билээ.
Тэгвэл энэ жилийн Дэлхийн мисст эх орноо төлөөлөн оролцож буй Ц.Энхжинг дэмжиж саналаа өгөхийг уриалъя.
САНАЛ ӨГӨХ ЗААВАР: