Монголын пауэрлифтингийн тамирчдыг хоёр том тэмцээн хүлээж байна

Швед улсын Сандсвал хотод болсон пауэрлифтингийн мастеруудын ДАШТ-ээс Монголын дөрвөн тамирчин медалийн тавцанд гарчээ. Энэ тухай Монголын пауэрлифтингийн нэгдсэн холбооныхон мэдээлэл хийсэн юм. 35 дахь удаагийн тус тэмцээний 105 кг-д Д.Ууганбаяр алтан медаль хүртэж төрийн дуулалаа эгшиглүүлсэн бол 74 кг-ын жинд С.Энхбат мөнгө, 93 кг-д Н.Алзахгүйбаатар, +120 кг-д Ц.Баярхүү нар хүрэл медаль хүртсэн байна. Тэд өчигдөр эх орондоо ирсэн бөгөөд удахгүй Чех улсад тус холбооны баг тамирчид насанд хүрэгчдийн ДАШТ-д оролцохоор бэлтгэл сургуулилтаа хангаж байгаа гэнэ. Харин гавьяат тамирчин Э.Содномпилжээ пара пауэрлифтингийн ДАШТ-д өрсөлдөхөөр Мексик улсыг зорих гэж байна. 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)