Яармагийн шинэ гүүр барих төслийн ажил үргэлжилж байна

С.Цолмон


БНХАУ-ын Засгийн газрын хөнгөлөлттэй зээлийн хөрөнгөөр нийслэлийн Хан-Уул дүүргийн 4 дүгээр хорооны нутаг дэвсгэрт хэрэгжих  “Яармагийн шинэ  гүүр барих, хуучин гүүрийг засварлах” төслийн ажил үргэлжилж байна. Энэхүү төсөл нь Яармагийн гүүрийн орчмын олон замын уулзварт, удахгүй ашиглалтад орох Хөшгийн хөндийн олон улсын нисэх онгоцны буудал, “Буянт-Ухаа-1 ,2 “ зэрэг тухайн бүсэд шинээр баригдаж байгаа орон сууцны хорооллуудын замыг олон түвшний огтлолцолоор холбож, авто замын нэвтрүүлэх чадварыг  сайжруулж, замын хөдөлгөөний ачааллыг бууруулах зорилготой юм.

Хотын авто замын сүлжээг сайжруулах ажлын хүрээнд Чингис хаан ОУНБ, хотын баруун хэсгийн үйлдвэрлэлийн бүс болон өсөн тэлж буй хотын баруун, баруун урд хэсгийг хоттой холбох Наадамчдын зам, Чингисийн өргөн чөлөөний авто замыг өргөтгөн шинэчилж, Богд уулын арын зам болон ТЭЦ-4-ийн замуудыг шинээр барьж ашиглалтад оруулсан.

Өнөөдрийн байдлаар үндсэн гүүрийн 30 багана тулгуураас 27 баганын цутгалт хийж, 36 гадсан суурийн ажлыг дуусгажээ.  

Энэхүү олон замын уулзварт байрлах, 1959 онд баригдаж ашиглалтад орсон Яармагийн гүүрийг засварлаж, тус гүүрийн зэрэгцээ шинэ гүүр, олон түвшний огтлолцол барих шаардлага урган гарчээ. Төслийн хүрээнд баригдах шинэ гүүр нь 250,2 у/м,  20,5м өргөн, 4 эгнээтэй бөгөөд хуучин гүүртэйгээ нийлээд 6 эгнээтэй аж.  Шинээр барих гүүр доогуур нэвтрэх А рамп зам дээрх гүүр нь 2-10м-ийн жаазан гүүр,  В, С рамп  зам нь асфалт бетон хучилттай байна. Урд эргийн шинэ барих D рамп-д 9х30м-ийн хүчитгэсэн бетон угсармал дам нурууг ашиглах юм.

Хуучин гүүрийн засварлах ажлын хүрээнд гүүрийн  ховхорсон ригель болон бетон хучилтыг засаж нөхөх, завсрын тулгуур, даацын тулгуур баганыг засварлах, хүчтэй элэгдэлд орсон даацын тулгууруудыг бэхжүүлэх, явган хүний зам, хашлага, гэрэлтүүлгийг солих, голын даланг бэхжүүлэх зэрэг ажлуудыг хийх аж.

Өнөөдрийн байдлаар үндсэн гүүрийн 30 багана тулгуураас 27 баганын цутгалт хийж, 36 гадсан суурийн ажлыг дуусгажээ.  

 

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. Хэзээ дуусах юм?

    0 0 Хариу бичих
  2. yamar uneer barij bgaa yum be dee?

    0 0 Хариу бичих