Дэрэвгэр жиргэрүүг экспортлохыг хориглолоо

Х.Дэлгэрэх


Дэрввгэр жиргэрүүг ирэх оны нэгдүгээр сарын 1-нээс 2022 оны нэгдүгээр сарын 1-нийг хүртэл таван жилийн хугацаанд түүн бэлтгэж, гадаад улсад экспортлохыг хориглох БОАЖ-ын сайдын шийдвэр гаргалаа. 

Монгол Улсын ховор ургамлын жагсаалтад багтсан дэрэвгэр жиргэрүүг устах аюулд орохоос урьдчилан сэргийлэх, биологийн нөөцийг хамгаалах, экологийн шаардлагыг харгалзан ийнхүү шийдвэрлэсэн байна. 
Дэрэвгэр жиргэрүү нь ургамлын шүхэртний овог багтах Монгол орны Хэнтий, Хангай, Дорнодын тал хээрийн бүсэд тархсан ургамал. 80 см-ээс нэг метр хүртэл нь эгц доош орсон голлосон үндсийг нь эмийн түүхий эд болгон ашигладаг байна. Ингэж ашиглах явцдаа тухайн газар нутгийн хөрсний хуурайшилт үүсгэж, хөрсний шинж чанарт сөрөг нөлөө үзүүлэх улмаар газрын доройтол, цөлжилт нэмэгдэхэд тодорхой хэмжээгээр нөлөөлөх магадлалтай юм. 
 Анх 2015  онд тус ургамлыг түүж бэлтгэх, гадаад улсад гаргахыг таван жилээр хориглосон шийдвэр гарч байсан. Гэвч хориглох шийдвэр гарахаас  өмнө аж ахуйн нэгж, байгууллагуудын зүгээс Дэрвэгэр жиргэрүү ургамлыг ихээр түүж нөөцөлсөн учраас эдийн засгийн эргэлтэд оруулах асуудлыг шийдвэрлэж өгөх хүсэлтийг салбарын яаманд ирүүлэх болсон юм. Улмаар хоёр жилийн хугацаатай түүж бэлтгэх асуудлыг шийдвэрлээд, ийнхүү буцаан таван жилийн хугацаатай түр хориглож байгаа аж.

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. шууд хориглооч. ирэх он хүртэл түүж бэлтгээд дуусчихдаг юм байгаа биз дээ. Энэ доровгор авгай огцрохоосоо өмнө ганц хүн шиг ажил хийж чадахгүй байна уу?

    0 0 Хариу бичих