"Наймдугаар сарын шилдэг тамирчин"-д есөн тамирчин өрсөлдөж байна

Б.Тайван


            Монголын Үндэсний олимпийн хорооноос "Сарын шилдэг тамирчин"-ыг шалгаруулдаг боллоо. "Сарын шилдэг тамирчин"-ыг тодруулах эрхэм эрхийг спортын сэтгүүлчид эдлэхээс гадна олон нийтийн нээлттэй санал асуулгыг ч харгалзах юм байна. Шилдгийг сар бүрийн эхний хагаст зарлах аж.

            Энэ удаагийн шалгаруулалтад "топ-3" (жүдо, чөлөөт бөх, бокс) спортын насанд хүрэгчдийн ДАШТ-ээс медаль хүртсэн есөн тамирчин багтжээ. Тухайлбал, жүдочдоос "Будапешт-2017" насанд хүрэгчдийн ДАШТ-ий аварга Д.Сумъяа, мөнгөн медальт М.Уранцэцэг, хүрэл медальт Н.Түвшинбаяр, Г.Болдбаатар, Г.Одбаяр, Б.Мөнгөнчимэг нар байна.

            Түүнчлэн "Парис-2017" чөлөөт бөхийн ДАШТ-ий аварга П.Орхон, хүрэл медальт Э.Бэхбаяр байгаа бол "Хамбург-2017" боксын ДАШТ-ий хүрэл медальт Д.Отгондалай ширэн бээлийтнүүдээ төлөөлөн ганцаараа "Сарын шилдэг тамирчин"-д өрсөлдөнө. Энэ удаад дэлхийн аварга хэмээх эрхэм алдрын эзэн болоод удаагүй байгаа Д.Сумъяа, П.Орхон нарын дунд ширүүхэн өрсөлдөөн өрнөх нь тодорхой юм.  

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Сумъяа

    0 0 Хариу бичих
  2. Осоржамаа

    0 0 Хариу бичих
  3. Сумьяа

    0 0 Хариу бичих