Багш нарын цалинг нэмэх асуудлыг судлах ажлын хэсэг байгуулагджээ

Монгол Улсын өнцөг булан бүрт ажиллаж буй багш нар цалингаа дор хаяж 1.6 сая төгрөг хүртэл нэмэх шаардлагыг төр, засгийн удирдлагуудад тавьж, жагсаал зохион байгуулаад буй. Тэгвэл энэ асуудлыг судалж үзэхээр Боловсрол, Соёл, Шинжлэх Ухаан, Спорт болон Хөдөлмөр, Нийгмийн Хамгааллын сайд нарыг оролцуулсан ажлын хэсэг байгуулагдсан талаар Монголын үйлдвэрчний эвлэлийн холбоо мэдээллээ. 

Түүнчлэн 2017 оны төсөвт Боловсрол, Соёл, Шинжлэх Ухаан, Спортын сайдын багцад 1.35 их наяд төгрөг төсөвлөжээ. Тиймээс багш нарын тавьж байгаа шаардлагыг биелүүлэхэд төсөвт нэг их наяд орчим төгрөг нэмэлтээр суулгах хэрэгтэй болно гэсэн тооцоо гараад байгаа аж.

Багш нарын хувьд 400-600 мянган төгрөгийн дундаж цалинтай билээ. Мөн тэд Засгийн газарт шаардах бичиг хүргүүлсэн ба хариуг нь есдүгээр сарын 15-нд хүлээж авахаар хүлээж байгаа юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. Төрийн өмчит сургууль, эмнэлгийн ажилчдын цалинг нэмэх боломж байгаа. Адилхан төрийн өмчит Эрдэнэт үйлдвэрийн дарга нар 10-25 сая төгрөгний цалин авч байхад эмнэлэн сургуулийн багш ажилдчдын цалинг 600-800 мянган төгрөг өгч дэндүү ялгаварлаж байгаа юм бэ? Тэдний ядаж 10% тэнцэх цалин олго л доо

    0 0 Хариу бичих
  2. ХУЛХИЛДАХДАА ГАРГУУН ЗАСГИЙН ГАЗАР !!!

    0 0 Хариу бичих

ЭНЭ ТУХАЙ