Д.Амарбаясгалан: Иргэн А.Ганбаатарыг өөрийн нэр төрд халдсан гэж үзэж шүүхэд хандаж байгаа

Л.Эрдэнэжаргал


МАН-ын Ерөнхий нарийн бичгийн дарга Д.Амарбаясгалан өнөөдөр АТГ-т мэдүүлэг өглөө. Төрийн албыг худалдаж мөнгө босгох тухай "60 тэрбум"-ын гэх бичлэгт холбогдоод байгаа А.Ганбаатар өчигдөр хийсэн хэвлэлийн бага хурлынхаа үеэр “МАН-ын ерөнхий нарийн бичгийн дарга Д.Амарбаясгалан, Шадар сайд У.Хүрэлсүх, УИХ-ын гишүүн Оюун-Эрдэнэ нар тэр бичлэгт бичигдсэн хурлын үеэр байсан. МАН-ын дарга М.Энхболд, Ц.Сандуй нар тухайн бичлэгт байгаагүй” хэмээн мэдэгдсэн. Тиймээс А.Ганбаатарын мэдэгдэлтэй холбогдуулан АТГ-аас МАН-ын Ерөнхий нарийн бичгийн дарга Д.Амарбаясгаланг АТГ-аас дуудаж мэдүүлэг авч байгаа ажээ.

Д.Амарбаясгалан: Өчигдөр А.Ганбаатар иргэдийг төөрөгдүүлсэн, "60 тэрбум"-ын бичлэгийг улам дэвэргэх гэсэн худлаа мэдээлэл өгсөнд маш их харамсаж байна. “Цайрна” гэж байдаг шүү дээ, тийм байдал руу А.Ганбаатар нар орж байна. Би энэ 60 тэрбумын бичлэгийг саяхныг хүртэл эвлүүлэг гэж бодож ирсэн. 2016 оны сонгуулийн үеэр энэ бичлэг гарч ирж цацагдах үеэр энд холбогдсон этгээдүүд эвлүүлэг гэдгийг албан ёсоор хэлж байсан. Мөн Сүхбаатар дүүргийн цагдаагаас энэ бичлэгийг эвлүүлэг байна гэсэн албан тоотыг манай намд ирүүлсэн байдаг. Эдгээрийг үндэслэн 60 тэрбумын бичлэгийг эвлүүлэг юм гэсэн итгэл үнэмшилтэй явсан. Харамсалтай нь, саяхан болсон намын удирдах зөвлөлийн хурал дээр энэ бичлэгт холбогдсон Ц.Сандуй энэ бичлэг бодит болсон гэдгийг өөрөө хүлээн зөвшөөрсөн учраас эвлүүлэг биш байсан юм байна гэдгийг мэдсэн. Би энэ асуудлаар эвлүүлэг биш гэж олон нийтэд хандаж хэд хэдэн удаа мэдэгдэл хийж байсандаа харамсаж байна. Би өнөөдрийг хүртэл буруу зүйлд итгэж явсан байна. Тэр 60 тэрбумын бичлэгт намайг байсан мэтээр өчигдөр хэвлэлийн хурал хийсний дагуу өнөөдөр АТГ-т мэдүүлэг өгөхөөр ирлээ. АТГ хурдтай ажиллаж байна. Сайн байна. Энэ хурдаараа ажиллаад, энэ хэргийг нэг талдаа гаргах ёстой, намын нэр хүндийг сэргээгээсэй гэж бодож байгаа” гэв.

Ийнхүү АТГ-т яагаад дуудагдах болсноо тайлбарласны дараа сэтгүүлчдийн асуултанд хариулсан юм.

-Та тэр хуралд байгаагүй юм уу?

-Миний хувьд 2014 онд болсон энэ 60 тэрбумын яриа хэлэлцээр дээр огт байгаагүй. Би 2014 онд бүтэн АНУ-д сурч байсан. Намайг таньж мэдэх бүх хүн мэднэ. Иймэрхүү яриа хэлэлцээр болсон бол тухайн үед би иймэрхүү хэмжээний яриа хэлэлцээрт орох албан тушаалтай байсан уу гэдэг асуудал яригдана.  

-Таныг тухайн бичлэгт байсан гэж зураг үзүүлээд байсан шүү дээ?

-Тэр 2015 оны ес, аравдугаар сарын үеийн зураг байна лээ. Би эх орондоо 2015 оны зургадугаар сард эргэж ирсэн. 2015 оны есдүгээр сард санагдаж байна. Нийслэлийн намын хороон дээр дотооддоо тодорхой хэмжээний үл ойлголцолтой болсон байсан цаг үед Ц.Сандуй, А.Ганбаатар гэгч нөхдүүд намайг болон хэсэг нөхдүүдийг өөрийхөө ажил дээр урьж, хоол идэж намынхаа ажилд хамтарч зүтгэхээ илэрхийлж уулзаж байсан. Тэр үеийн зураг байсан. Иргэн А.Ганбаатарыг өөөрийн нэр төрд халдсан гэж үзэж шүүхэд хандаж байгаа.

-Ц.Сандуй намын их хурал дээр эвлүүлэг гэдгээ хүлээн зөвшөөрсөн юм бол яагаад МАН-ын удирдах зөвлөлөөс энэ бичлэгийг шүүхээс эвлүүлэг гэсэн учраас Ц.Сандуйг огцруулах шаардлагагүй гэж байгаа юм бэ? 

-Намын удирдах зөвлөлөөс Ц.Сандуйг огцруулах шаардлагатай, шаардлагагүй гэсэн шийдвэр гараагүй шүү дээ. Хариуцлага тооцож, асуудлыг шийдвэрлэх нь зөв юм гэсэн бухимдлаа Удирдах зөвлөлийн гишүүд илэрхийлсэн. 

-Та намын ерөнхий нарийн бичгийн даргын хувьд энэ асуудалд төвийг сахисан байр суурьтай байх байтал нэг талд орж, Ц.Сандуй нарыг буруутгаад эхэлж байгаагаа юу гэж тайлбарлах вэ?

-Би Нийслэлийн иргэдийн төлөөлөгчдийн хурлын төлөөлөгч. Одоо гурав дахь удаагаа сонгогдоод байна. МАН-д итгээд, нийслэлийг удирдаад авч яваач гэж надад итгэсэн олон зуун мянган сонгогчийн эрх ашгийн асуудал. Надад ийм худал хуурмаг зүйлийг хаагаад халхавчлаад сууж байх ёс зүй байхгүй. Тийм учраас би Ц.Сандуйг огцрох ёстой гэж үзэж байгаа. Огцроод өөрөө иргэн Ц.Сандуйгийн хувиар шүүх цагдаа, хууль хяналтын байгууллагаараа яваад нэр төрөө сэргээлгэж, давхар МАН-ын олон мянган гишүүний нэр төрийг сэргээлгэх ёстой гэж үзэж байгаа учраас би огцруулах бичигт гарын үсэг зурсан. Намынхаа ерөнхий нарийн бичгийн даргын хувьд эв нэгдлийг хангаж, төвийг сахиж байх ёстой хүн гэдгээ би ухамсарлаж байгаа.

-Та ерөнхийлөгчийн сонгуулийн үеэр намынхаа эсрэг ажилласан юм уу?

-МАН-ын 220 мянган гишүүн хөлтэй нь хөлхөж, хөлгүй нь мөлхөж энэ сонгуулийн ялалтын төлөө зүтгэсэн. Ажил дээрээ хонон өнжин, хоол нойроо мартан ажилласан. МАН-ын гишүүдийг, нэр бүхий нөхдүүдийг намын эсрэг ажилласан гэж ярих ёсзүй байх ёсгүй гэж бодож байна. Энэ намд итгэл үнэмшлээ өгч, анх элссэн цагаас хойш энэ намын эсрэг нэг ч буруу зүйл бодож яваагүй. Магадгүй зарим нэг хүмүүстэй үзэл бодол, эрх ашиг таардаггүй байхыг үгүйсгэхгүй.

Намын дотоод зөрчлөөс болоод засгийн газрыг огцруулах асуудал хөндөгдөөд эхэллээ гэж байгаа. Намын генсекийн хувьд үүнийг юу гэж харж байна?

Миний хувьд албан ёсоор ийм мэдээлэл аваагүй. Хэвлэл мэдээллээс мэдээлэл авч байна. Засгийн газрыг огцруулах эсэх тухай асуудал бол МАН-ын удирдах зөвлөл дээр яригдах ёстой асуудал. Цаашлаад УИХ, бүлэг дээр ярилцах ёстой асуудал. УИХ-ын гишүүдийн өөрсдийн бүрэн эрхэд байдаг асуудал учраас үүнийг нилээн нухацтай ярилцах ёстой гэж бодож байгаа.

Та хариуцлага хүлээх үү?

Намын их хуралд энэ намар болох үндсэн заалттай. МАН-ын Их хурлаар намын даргаа сонгодог, шинэ бага хурлаа бүрдүүлдэг, ерөнхий нарийн бичгийн даргаа сонгодог. Ийм л байдалтай байгаа. 

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (4)

  1. 11-12 удаагийн хурлын ярианы эвлүүлэг байна гэж чи муу хуцаад байсан биз дээ өөрөө ийм энэ бүх асуудлыг мэдэж байсан гэдэг чинь батлагдаад байгаа юм биш үү хэргээс бултах гэж худлаа битгий шаагаад бай лаларын бөгс долоогчоо.

    0 0 Хариу бичих
  2. Жаран тэрбумын 65 гэж түүхэнд нэрээ үлдээж дээ. Гүзээ ихтэй гүргэр Энхболд бас нэг хар түүх.

    0 0 Хариу бичих
  3. МАН-ын дарга МЭнхболд чинь одоо болтол Энэ Эвлүүлэг гээд Гүрийгээд байгаа ш дээ, хи хи, МАН-ынхаа Та нар ёстой Шившигээ тарьж байна даа, Улаан хувьсгалчид бас ингэж хоорондоо алалцдаг юм байжээ,

    0 0 Хариу бичих
  4. 60 тэрбумын хэрэг үнэн болох нь МАН-ынхны үг,үйл ажиллагаанаас харагдаж байна. Байдал ийм тодорхой болж бөгөөд МАН 2016 оны сонгуулийг хууль бусаар,луйварын аргаар авсан нь илэрхий болсон тул тэднийг нэн даруй огцоруулж дахин сонгууль явуулахын төлөө тэмцэхийг ард олноосоо хүсэж байна.

    1 1 Хариу бичих