Дүүргүүдэд гадаад паспортын сунгалтын үйлчилгээг үзүүлж байна

Б.Мичид


Урин дулааны улиралд монголчууд гадаадыг зорих нь ихэсдэг. Амралт чөлөөт цагаараа аялу зугаалах иргэдийн тоог дагаад гадаад паспортын эрэлт хэрэгцээ өсөж байгааг албаныхан дуулгалаа. Тодруулбал, өдгөө өдөрт 1000 гаруй иргэн гадаад паспортын үйлчилгээ авахаар Иргэний бүртгэл мэдээллийн төвд хандаж байгаа гэнэ. Үүнээс өдөрт 700-800 хүнийг хүлээн авч, 560-600 иргэний гадаад паспортыг олгодог аж. Мөн өдөрт 150 гаруй иргэний гадаад паспортын сунгалтыг хийдэг юм байна. Уг нь тэд багтаамжаараа өдөрт 500 хүн хүлээн авах ёстой. Гэхдээ гадаад паспорт авах хүмүүсийн эрэлт хэрэгцээ эрс нэмэгдэж байгаа учраас ачаалалтай ажиллаж байгаа гэв.

Өнгөрсөн жилийн эцэст 290 мянга гаруй паспортыг шинээр олгож байсан бол он гарсаар одоогийн байдлаар 215 мянган гадаад паспорт шинээр олгож, 34 мянга гаруй иргэний гадаад паспортыг сунгажээ. Мөн 2016 онд монголчууд 98 оронд зорчдог байсан бол энэ жил 168 улсад зорчиж, гадагшаа явах хэрэгцээ нэмэгдсээр байна. Орон нутагт гадаад паспорт ажлын 20 хоногт гардаг болохоор хөдөөнөөс иргэд ирж гадаад паспорт авах нь ч нэмэгдсэн гэв.

Гэхдээ зөвхөн 100 айл дахь Иргэний бүртгэл мэдээллийн төв гэлтгүй нийслэлийн үйлчилгээний нэгдсэн төвүүд болох Дүнжингарав, Драгон, Мишээл, Оргил төвд гадаад паспортын энгийн захиалга, олголт, сунгалтыг хийж байгааг албаныхан дуулгалаа. Харин нийслэлийн үйлчилгээний нэгдсэн төвүүдэд яаралтай үйлчилгээ үзүүлдэггүйг анхааруулсан юм. Мөн дүүрэг харгалзахгүй дүүргүүдийн улсын бүртгэлийн хэлтсүүдээр гадаад паспортын сунгалтын үйлчилгээг үзүүлдэг. Тиймээс иргэд гадаад паспортаа сунгуулж, энгийнээр захиалах тохиолдолд заавал 100 айлыг зорих шаардлагагүйг санууллаа.

 

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. 9 sartai 6nastai2 huuhdiin pasport 1 jileer gardagu

    0 0 Хариу бичих
  2. Дүнжингарав дээр гадаад паспорт сунгуулах гэсэн чинь лавлагаа нь үг дүүгүй л нэг бичиг рүү заагаад дохиод байсан тэр бичигийн нь харсан чинь Дүнжингаравд хэзээ ч гадаад паспортын сунгалт хийж байгаагүй ийм төрлийн үйлчилгээ байхгүй гэсэн байсан.

    0 0 Хариу бичих
  3. 3,4-r xoroolold oirxon gazar n?

    0 0 Хариу бичих