Батсүмбэрт хуурайшилтаас болж түймэр гарсан нь тогтоогджээ

Б.Мичид


Цагдаагийн байгууллага 2017 оны долдугаар сарын 16-ны өдрийн байдлаар ой, хээрийн гал түймрийн хэрэг, зөрчлийн тухай нийтдээ 105 мэдээ, мэдээлэл хүлээн авч шалгажээ.

Цагдаагийн байгууллага нийт шалгасан ой хээрийн 71 түймрийн эзэн холбогдогчийг тогтоон, 30.1 сая төгрөгийн хохирлыг гэм буруутай этгээдээр нь нөхөн төлүүлсэн байна.

Энэ төрлийн 4 хэрэгт Эрүүгийн хэрэг үүсгэсэн бол 68 түймрийн зөрчлийг Эрүүгийн хэрэг үүсгэхээс татгалзсан саналтай прокурорт шилжүүлсэн, одоогийн байдлаар нийтдээ гал түймэртэй холбоотой 33 гомдол, мэдээллийг шалгаж байгаа аж.

2017 оны эхний хагас жилийн байдлаар гал түймэртэй холбоотой хэрэг, зөрчил нь машины оч баригч, машин доор өвс хуримтлагдаж халснаас 3, татсан тамхиа бүрэн унтраагаагүй цогтой хаяснаас 7, аянга цахилгаанаас 18, ил задгай үнс нурмаа асгаснаас 5, гэрийн яндангаас үсэрсэн очноос 3, хог шатааснаас 3, гэр орондоо галын аюулгүй байдал хангаагүйгээс 2, галт зэвсэг хэрэглэсний улмаас 1, ил задгай гал түлснээс болж 8 түймэр гарсан болох нь тогтоогджээ.
Цагдаагийн байгууллагад 2017 оны долдугаар сард Төв аймгийн Батсүмбэр сумын нутаг дэвсгэрт 6 ой, хээрийн түймэр бүртгэгджээ. Уг түймэр нь хуурайшилтаас болсон нь Онцгой байдал, Цагдаагийн алба хаагчдын хамтарсан шалгалтын явцад тогтоогдсон байна.

Сэлэнгэ аймагт 9 түймэр, Булган аймагт 2 ой хээрийн түймэр гарч байгааг цагдаагийн байгууллага бүртгэн, эзэн холбогдогчийг илрүүлэх ажиллагаа явуулж байна.

 

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Анх удаагаа хуурайшиж байгаа юм биш Соц нийгмийн үед ган гачиг хэдэн жил дараалахыг алийг тэр гэхэв Шатаж түймэр гарсан гэж бараг дуулаагүй Гарсан ч маш түргэн унтраадаг байсан одоо бол хэд хоногоор шатаад байгаад л байх юм Энэ бүр нэг сэжигтэй санагдаад байна Ерөнхийлөгч ,ерөнхий сайд гал гарсан даруйд хянах ёстой Тэгтэл шатаад хэцүүдчихсэний дараа анхаарлаа хандуулж байх юм Аргагүй нэг ард түмэн хөдлөхөөр яалтгүй нэг харах шиг боллоо ОБУГ ч гэсэн түймрийн явцыг ерөнхийлөгч ерөнхий сайдад цаг бүрт бүр минутын давтамжтайгаар мэдээлж байх ёстой биз Түймэр гарлаа гэвэл Төрийн толгойнууд цаг алдалгүй анхаарлаа хандуулж хянаж газар дээр танилцаж байх хэрэгтэй бизд Сүүлийн жилүүдэд жил дараалан түймэр гарлаа жил бүр эх орон шатаад байвал хэцүү Цаг уур байгаль орчин ч гэсэн түймэр гарахаас өмнө хэдийд бороо оруулах вэ гэдгээ тооцоод урьдчилаад үүлээ буудаад бороогоо оруулах арга хайж яагаад болохгүй гэж

    0 0 Хариу бичих
  2. 2017 оны долдугаар сард Төв аймгийн Батсүмбэр сумын нутаг дэвсгэрт 6 ой, хээрийн түймэр бүртгэгджээ. Уг түймэр нь хуурайшилтаас болсон, энэ юуул бол сайн шалгаа ой, хээрээр дэмий тэндэг маанаг юм нуудын хийсэн ажил байгаа даа!

    0 0 Хариу бичих
  3. Оюунхорол авгайгийн мод цэвэрлэдэг бизнесийнхэн гал тавьсан. Оюунхорол гэдэг нэр бол Оюуныг хорло юм даа. Наад балай авгайгаа хурдан зайлуул.

    2 0 Хариу бичих