Баярын өдрүүдэд зам тээврийн ослын улмаас 70 хүн гэмтжээ

Б.Мичид


Үндэсний их баяр наадмын өдрүүдэд буюу долоодугаар сарын 10-15-нд Замын цагдаагийн албаны ЖШУХ нийт 1236 дуудлага, мэдээ мэдээлэл хүлээн авснаас, зам тээврийн ослын 790 дуудлага бүртгэгдсэн бөгөөд осол, хэргийн улмаас 2 хүний амь нас хохирч, 70 хүн гэмтсэн. Үүнээс 18 нь бага насны хүүхэд байсан.

Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 238 жолоочийг илрүүлэн саатуулж ажиллаа.  Баярын өдрүүдэд согтуугаар тээврийн хэрэгсэл жолоодон зам тээврийн осол гаргасан 13 жолооч бүртгэгдсэн.

Бүртгэгдсэн осол, хэргийг хэлбэрээр нь авч үзвэл явган зорчигч мөргөсөн 27 осол, мөргөлдсөн 36 осол, үл хөдлөх зүйл мөргөсөн 4 осол, онхолдсон 2 осол тус тус бүртгэгдсэнийг Замын цагдаагийн алба шалгаж байгаа аж

Орон нутгийн замд зам тээврийн ослын улмаас 8 хүний амь нас хохирч, 1 гэмтсэн бөгөөд онхолдох хэлбэрээр 4, мөргөлдөх хэлбэрээр 4 осол бүртгэгдсэнийг харъяа аймаг дахь Цагдаагийн газарт шалгаж байна.

Тухайлбал, Баянзүрх дүүргийн нутаг Хонхорын шинэ замд А жолоочтой амины “Мустанг” маркийн мотоцикль онхолдож, зорчигч 32 настай Б-н амь нас хохирсон.

Баянгол дүүргийн нутаг Телевизийн эцэс рүү нийлдэг даланд амины “Prius” маркийн автомашины жолооч Ч нь далан руу унаж жолооч, зорчигч нарын 2 хүн гэмтсэн.

Орон нутагт, Сэлэнгэ аймгийн Баянгол сумын нутаг “Хоёр даваа” гэх газар асфальтан замд “Sunny” маркийн Ө жолоочтой автомашин “Accent” маркийн Д жолоочтой автомашинтай мөргөлдөж зорчигч 31 настай Э-н амь нас хохирсон ноцтой зам тээврийн осол гарсныг шалгаж байна.

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)