Сүхбаатарын талбайд “Дээлтэй Монгол” наадам болж байна

Монголчуудын уламжлалт соёл, түүний дотор үндэстэн ястны дээл хувцас, эд хэрэглэл, ардын урлагийн биет болон биет бус өвийг гадаад, дотоодын иргэдэд сурталчлан таниулах, түгээн дэлгэрүүлэх зорилгоор зохион байгуулдаг “Дээлтэй Монгол” наадам уламжлал ёсоор долоодугаар сарын 10-нп буюу өнөөдөр Сүхбаатарын талбайд болж байна.

“Дээлтэй Монгол” наадмын үеэр дараах арга хэмжээ зохион байгуулагдана.

Монгол үндэсний хувцастай иргэдийн баярын жагсаал

Ардын урлагийн тоглолт

Үндэсний хувцасны загварын үзүүлбэр

Хамгийн сайхан дээлтэй хос шалгаруулах зэрэг уралдаан тэмцээн

Монгол үндэсний дээл хувцас, хэрэглэл, гар урлалын бүтээгдэхүүн, бэлэг дурсгалын үзэсгэлэн худалдаа

Уран бичлэг, уран хайчилбар, газар дээр нь дээл, малгай, бүс урлах зэрэг үйл ажиллагаа зохион байгуулна. 

Мөн энэ жилийн “Дээлтэй Монгол” наадмын үеэр хамгийн том Хүннү дээлийг дэлгэх, ёохор хатирах, эртний нүүдэлчдийн дэвсэх бүжгийг оролцогчдын дунд зохион байгуулах зэрэг арга хэмжээг шинээр нэмж зохион байгуулахаар болоод байгаа билээ.

“Дээлтэй Монгол” наадам Сүхбаатарын талбайд 18.00 цаг хүртэл үргэлжилнэ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)