АНУ-ын ТТГ-ын ажилтан асан, эдүгээ ОХУ-д түр орогнож буй Эдвард Сноуден энэ сарын 12-ны өдөр дэлхийн 99 оронд нэгэн зэрэг довтолсон хакерын довтолгоонд АНУ-ын Үндэсний аюулгүй байдлын албыг буруутгажээ. Тэрээр Твиттер хуудсандаа энэ талаар “Үндэсний аюулгүй байдлын алба өөрсдийнхөө үйл ажиллагаанд ашиглахаар зохион бүтээсэн зүйл нь хүн төрөлхтөнд гай болж байна. Түүнээс болж олон өвчтөн эмнэлгийн тусламж авч чадахгүйд хүрлээ. Тэд энэ зүйлийг хийсэн. Одоо юу болж байгааг бүгд харж байна” хэмээн бичсэн байна.
АНУ-ын Үндэсний аюулгүй байдлын албаныхны зохион бүтээсэн гэх WanaCrypt0r 2.0 компьютер дэлхийн 99 оронд тархаж, үлэмж хохирол учруулаад байгаа юм.
This is a special case. Had @NSAGov disclosed the vuln when they discovered it, hospitals would have had years -- not months -- to prepare. https://t.co/HJj1TsfQYn — Edward Snowden (@Snowden) May 12, 2017
Их Британийн эрүүлийг хамгаалах үндэсний алба “WannaCry” программын хохирогч болж, ажилтнуудынх нь компьютерууд тусгаарлагджээ. Сүлжээнд орон боломжгүй болсон учраас эрүүл мэндийн үйлчилгээ, бүртгэлийг цахимжаагүй байх үеийн аргаар хийхэд хүрсэн аж. Эрүүл мэндийг хамгаалах үндэсний албаны нэгэн ажилтны хэлснээр, энэ бүгдээс өвчтөн, үйлчлүүлэгчид хамгийн их хохирол амсч байгаа юм байна.
Гэсэн ч хамгийн их хохирч байгаа улс нь ОХУ гэнэ. Тус улсад вирусын халдвар илүү өргөн хүрээг хамарсан юм. Маш олон тохиолдол байгаа учир төрийн байгууллагаас мэдэгдэл гаргахад хүрчээ. Үүрэн телефоны оператор "Мегафон" халдлагад өртсөн тул үйлчилгээ нь тасалдахад хүрсэн байна.
Түүнчлэн Германы төмөр замын тасалар борлуулах систем, Италийн их, дээд сургуулиудын компьютерийн лабораториуд, Испанийн маш олон аж ахуйн нэгж, тэр дундаа харилцаа холбооны аварга “Telefonica” хадлагагын золиос болжээ.
