ЗӨВЛӨГӨӨ: Бага насны хүүхдээ бусдад бага үнсүүлээрэй

Савина Фрэнч Бэлл гэх эмэгтэй охиныхоо хоёр насны төрсөн өдрийг гэр бүлийн хүрээнд тэмдэглэжээ. Харин үдэшлэгийн дараа түүний охин Сиэнна Дафиэлийн нүүрэн дээр аймшигтай тууралт гарсан байв. Айж сандарсан гэрийнхэн нь эмчид үзүүлсэн ч найман сарын дараа үндсэн онош нь гарчээ. Сиэннаг хэн нэгэн хамаа намаагүй үнсэж, амаар нь дамжиж нян арьс руу нь орсон байж магадгүй хэмээн ээж нь үзэж байсан аж.

Сиэннагийн ээжийн дүгнэлт эмч нарын оноштой нилээн дөхсөн байна. Эмч нар анх арьсны харшил эсвэл эмийн гаж нөлөө гэж үзэж байсан ч ерөнхий дүгнэлтээр арьсыг шимж амьдардаг бактери охины арьс руу нэвтэрсэн байжээ. Улмаар охины нүүрэнд цус шүүрч, цэврүүтэн, идээ гарч, аажмаар нүүр болон биеийн бусад хэсгийг идэж байгаа аж. Одоо хоёр ойтой бяцхан охин арьсыг нөхөн сэргээх эмчилгээ хийж байгаа гэнэ.

Дашрамд дурдахад, хүний ам бактери болон нян үржих хамгийн таатай орчин тул амнаас дамжин элдэв халдварт өвчин хүнд халддаг байна. Тиймээс бага насны хүүхдийг аль болох ойр дотны биш хүнд үнсүүлэх, ойртуулахгүй байхыг эмч нар зөвлөж байна.

Сэтгэгдэл бичих (1)

Таны сэтгэгдэл нийтлэгдсэн.

Фейсбүүкээр нэвтрэх

1. 

   Анхаар!!!!!!!! 2017/04/15

   Монголчууд хэнийг ч хамаагүй барьж аваад үнсэх гэж дайрдаг буруу зуршилтай шүү!!! Хүний уруул дээр гардаг herpes буюу манайхны хэлдгээр хомхой хэмээх маш халдвартай атлаа насан туршид хүний биед хадгалагддаг муухай вирус байдаг. Тийм вирусгүй монгол хүн гэж бараг байхгүй, дархлаа сулрах үед уруул дээр цэврүү яр шарх маягаар гарч ирдэг. Энэ вирус үнсэхэд уруулаар дамжиж шууд халдварладаг. Цагаан сараар бүх нийтээрээ энэ вирусийг бие биендээ халдаах ажлыг маш өргөн хүрээнд амжилттай явуулдаг бид!!! Ялангуяа нялх балчир хүүхдийг аймшигтай үнсдэг шүү, манайхаан!!!!!

   0 0 Хариу бичих