Нийслэлийн Засаг дарга бөгөөд Улаанбаатар хотын захирагч асан Э.Бат-Үүлийн хүү Б.Чулуудай өмгөөлөгчийнхөө хамт мэдээлэл хийлээ. Тэрээр “Юуны түрүүнд оффшорын талаар би өмнө нь ямар нэгэн мэдэгдэл хийж, байр сууриа илэрхийлж байгаагүй учраас энэ талаар ярих нь зүйтэй байх. 2016 оны УИХ-ын сонгуулийн өмнө “Монгол НD” телевиз, иргэн Ганбаяр болон нэр бүхий этгээдүүд намайг оффшорт данстай, тэр дансанд нь мөнгө байгаа, дансны гүйлгээ хийгдсэн учраас шалгах ёстой” хэмээж байсныг та бүхэн санаж байгаа байх. Үүнтэй холбоотойгоор манай өмгөөлөгч тухайн үед мэдэгдэл хийж байсан. Оффшор бүст бид компани байгуулж байсан нь үнэн. Гэхдээ компани татан буугдсан. Компани байгуулхтай холбоотойгоор бид оффшор бүст ямар нэгэн данс эзэмшээгүй. Үүний дараа бид хуулийн байгууллагад хандаад, энэ талаар шалгаж өгөхийг хүссэн.
Хэрэв иргэн Чулуудай миний бие оффшор бүст данс эзэмшиж, гүйлгээ хийсэн эсэхийг шалгаж өгөөч гээд өнөөг хүртэл явж байна. Тэгэхээр Ард түмний онц зөвлөл гэж байгуулагдсан байна лээ. Оффшорт байгаа хүмүүс ил гаргаад, өөрт байгаа ямар нэгэн баримт нотолгоог ил гаргаач, хуулийн байгууллагад хандаач гэж байна. Тиймээс би тэр хүмүүст хандаж болон өөрийнхөө зүгээс хариуцлагатайгаар мэдэгдэж байна. Иргэн Б.Чулуудай миний бие оффшор бүст ямар нэгэн данс эзэмшээгүй, гүйлгээ хийгээгүй гэдгийг хариуцлагатайгаар мэдэгдэж байна. Баримт нотолгоо байгаа гэж байгаа хүмүүс тэр баримтаа ил гаргаач ээ гэж хүсмээр байна. Цувралаар нэвтрүүлэг гаргана гэж байснаас хойш бараг нэг жил болох гэж байна. Сүүлдээ ярьсан ярианууд нь хувриад иргэн Чулуудай биш Э.Бат-Үүл гэдэг хүн 480 тэрбум төгрөгийг нуусан гэдэг яриа гарч байна. 480 тэрбум гэдэг бол бараг улсын төсөвт дүйцэнэ. Миний хувьд 480 тэрбум төгрөг байтугай 480 төгрөгийг гадаад руу гуйвуулга хийж, оффшорт хадгалаагүй гэдгийг албан ёсоор мэдэгдэж байна. Хэрэв хэн нэгэн хүнд баримт байгаад, тэрийгээ ил гаргаад, нотлогдох аваас Чулуудай миний бие хуулийн өмнө харицлага хүлээхэд бэлэн байна гэдгийг хэлмээр байна” гэв.
Дэлгэрэнгүйг удахгүй хүргэх болно.
