Монголын Үндэсний олимпийн хорооны ээлжит Их хурал энэ сарын 24-нд болох тов гарлаа. Уг хурлаар МҮОХ-ны ерөнхийлөгч, дэд ерөнхийлөгч, Гүйцэтгэх зөвлөлийн гишүүдийг сонгох сонгууль болох юм. Сонгуульд өрсөлдөх хүмүүсийн нэрс өчигдөр тодорлоо.  МҮОХ-ны ерөнхийлөгчид нийт долоон хүн өрсөлдөх юм. Тухайлбал Монголын шагайн харвааны холбооны ерөнхийлөгч Я.Батсуурь, волейболын холбооны ерөнхийлөгч Ц.Бат-Энх, даамын холбооны ерөнхий нарийн бичгийн дарга Ч.Бат-Эрдэнэ, хүндийг өргөлтийн холбооны ерөнхийлөгч, МҮОХ-ны ерөнхийлөгч Д.Загдсүрэн, хөнгөн атлетикийн холбооны ерөнхий нарийн бичгийн дарга Ч.Зоригтбаатар, буудлагын холбооны ерөнхийлөгч Э.Мөнх-Очир, гимнастикийн холбооны хүндэт ерөнхийлөгч Л.Халтар нар өрсөлдөнө. Харин дэд ерөнхийлөгчид зургаан хүн өрсөлдөх бөгөөд Монголын жүдо бөхийн холбооны ерөнхийлөгч Х.Баттулга, бадминтоны сонирхогчдын холбооны ерөнхийлөгч Д.Баттүшиг, олимпод оролцогчдын холбооны ерөнхийлөгч Ц.Дамдин, хөнгөн атлетикийн холбооны ерөнхий нарийн бичгийн дарга Ч.Зоригтбаатар, орчин үеийн таван төрөлтийн холбооны ерөнхийлөгч Ч.Отгонбаатар, спортын эмнэлэгийн холбооны ерөнхийлөгч Ж.Хатанбаатар өрсөлдөх аж.

МҮОХ-ны ерөнхийлөгч, дэд ерөнхийлөгч, Гүйцэтгэх зөвлөлийн гишүүдийг сонгох сонгууль болох юм. Сонгуульд өрсөлдөх хүмүүсийн нэрс өчигдөр тодорлоо.

Мөн Гүйцэтгэх зөвлөлд олс таталтын холбооны ерөнхийлөгч С.Алтанхундага, байт харвааны холбооны ерөнхий нарийн бичгийн дарга Т.Амаржаргал, ширээний теннисний холбооны гадаад харилцааны албаны дарга Ч.Амарсанаа, уулчдын холбооны удирдах зөвлөлийн гишүүн А.Батсүх, спортын менежментийн холбооны ерөнхийлөгч Б.Бат-Эрдэнэ, бадминтоны сонирхогчдын холбооны ерөнхийлөгч Б.Баттүшиг, тэшүүрийн холбооны удирдах зөвлөлийн дарга Д.Болормаа, хөлбөмбөгийн холбооны ерөнхийлөгч А.Ганбаатар, таэквондогийн холбооны гүйцэтгэх захирал С.Ган-Эрдэнэ, самбо бөхийн холбооны Д.Гэрэл, туялзуур сэлэмний холбооны ерөнхийлөгч Ц.Даваасүрэн, хөнгөн атлетикийн холбооны ерөнхий нарийн бичгийн дарга Ч.Зоригтбаатар, Орхон аймгийн олимпийн хорооны зөвлөлийн дарга Н.Зулбаатар, гимнастикийн холбооны ерөнхийлөгч Б.Лхагважав, ОУОХ-ны хүндэт гишүүн Ш.Магван, гандболын холбооны удирдах зөвлөлийн гишүүн Б.Мөнхбаяр, шатрын холбооны гүйцэтгэх захирал Б.Наранбаатар, тамирчдын төлөөлөлөөс гавьяат тамирчин Д.Отгондалай, рагбигийн холбооны дэд ерөнхийлөгч Г.Пүрэв-Очир, триатлоны холбооны ерөнхийлөгч Ц.Сандуй, чөлөөт бөхийн холбооны ерөнхийлөгч Д.Сумъяабазар, морин спорт холбооны ерөнхий нарийн бичгийн дарга П.Сэргэлэн, софт теннисний холбооны ерөнхийлөгч Ж.Түмэн-Аюуш, спортын эмнэлэгийн холбооны ерөнхийлөгч Ж.Хатанбаатар, цанын холбооны ерөнхийлөгч Д.Хишигжаргал, Багануур дүүргийн олимпийн зөвлөлийн дарга Д.Энхбаатар, үндэсний сурын холбооны ерөнхийлөгч Ч.Энхтайван нарын 27 хүн өрсөлдөхөөр нэрсээ өрчээ. Сонгуулийн комиссын даргаар Монголын үндэсний бөхийн холбооны тэргүүн Р.Нямдорж томилогдсон байна. Тус сонгуульд нийт 167 гишүүн оролцох бөгөөд олимпийн төрлийн спорт холбоодоос 32, олимпийн бус спорт холбооноос 36, олимпийн зөвлөлөөс 29, ОУОХ-ны гишүүн нэг, тамирчдын зөвлөлөөс хоёр хүн оролцох юм.