Бид энэ бүсгүйг Хорлоо эмээгийн Сувдаа гэдгээр нь андахгүй. Тэрээр бусдаас илүүрхэх хөрөнгө, эрх мэдэлгүй хэдий ч өнгөрсөн таван жилийн хугацаанд 4000 гаруй хүнд тусламжийн гараа сунгаж, 20 гаруй айлыг орон гэртэй болгосон буянтай бүсгүй.
Хамгийн сүүлд л гэхэд хогийн цэг дээр амьдардаг олон хүүхдийг жижигхэн гэртээ өсгөж байгаа М.Сарнай гэх бүсгүйг зургаан ханатай гэртэй болгосон талаар бид сурвалжлан хүргэсэн. Сурвалжлагыг ЭНДЭЭС уншаарай.
Тэгвэл Г.Дамбадаржаа гэх залуу Ц.Сувд-Эрдэнийг машинтай болгох аяныг эхлүүлжээ. Ц.Сувд-Эрдэнэ гурван охинтой өрх толгойлсон ээж төдийгүй одоогоор түрээсийн байранд амьдарч байгаа юм.
Г.Дамбадаржаа өмнө нь “Рио-2016” паралимпийн наадмын хүрэл медальт Э.Содномпилжээг байртай болгох “Ард түмний бэлэг” аяныг эхлүүлж, амжилттай зохион байгуулсан билээ.
Ц.Сувд-Эрдэнийг машинтай болгох "Ард түмний бэлэг" аяны хандивын дансны дугаар 2112003194 /Капитал банк/.
Ц.СУВД-ЭРДЭНЭТЭЙ ХИЙСЭН ЯРИЛЦЛАГЫГ ЭНДЭЭС УНШААРАЙ.
