Монголын тогооч нар "Истанбул гастрономи фестивал-2017"-д амжилттай оролцож, чансаагаа ахиуллаа

Азжаргал Б.


Монголын тогооч нар ОУ-ын тэмцээн уралдаануудад оролцож, жилээс жилд амжилтаа ахиулж явна. Дэлхийн тогооч нарын холбоо, Туркийн тогооч нарын холбоотой хамтран зохион байгуулдаг "Истанбул гастрономи фестивал-2017" ОУ-ын аварга шалгаруулах 15 дахь удаагийн тэмцээн энэ сарын 2-ноос 5-ны өдрүүдэд болж өндөрлөлөө.

Энэ жилийн тэмцээнд нийт 30 гаруй орны 2800 тогооч ганцаарчилсан болон багийн төрлүүдэд өрсөлдсөн юм. Тус тэмцээнд манай улсаас МУ-ын мастер тогооч Р.Батбаатараар ахлуулсан баг амжилттай оролцсон бөгөөд МУ-ын мастер тогооч Ж.Отгонпүрэв, Б.Баттулга, тогооч Ц.Мэнджаргал нар ганцаарчилсан төрлөөс 1 алт, 4 мөнгө, 1 хүрэл медаль хүртэж, чансаагаа ахиуллаа.

Мөн МУ-ын мастер тогооч Р.Батбаатар тус тэмцээнд шүүгчээр ажилласан нь манай улсаас ОУ-ын тэмцээнд шүүгчээр оролцож байгаа анхны тохиолдол болж байгаа юм. Тэрээр өмнөх жилийн тэмцээний үеэр ОУ-ын шүүгчийн эрхээ гардан авч байсан юм. 

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)