BBC: Монгол Улс агаарын бохирдлыг бууруулахаар дөрвөн жилд 84 сая ам.доллар зарцуулсан

Т.Маралмаа


“Утааны эсрэг аав ээжүүд” ТББ-аас санаачилсан агаарын бохирдлын эсрэг жагсаал өчигдөр төв талбайд зохион байгуулагдлаа. Өмнө нь уг жагсаалыг зохион байгуулсан ч холбогдох албаныхан иргэдийн хүргүүлсэн шаардлагад хариу өгөлгүй, өдийг хүртэл дорвитой арга хэмжээ аваагүй тул эцэг эхчүүд олон нийтийг уриалан энэхүү арга хэмжээг дахин зохион байгуулж байгаа нь энэ юм.

Тэгвэл уг  арга хэмжээний тухай дэлхийн томоохон хэвлэл мэдээллийн хэрэгсэл болох BBC агентлаг онцлон албан ёсны цахим хуудсандаа мэдээлсэн байна. Уг мэдээлэлд:

“Мянга мянган монголчууд Засгийн газраасаа агаарын бохирдлын эсрэг арга хэмжээ авахыг шаардаж нийслэл Улаанбаатарынхаа гудамжинд тэмцлээ. Тэмцэгчид 20 хэмийн хүйтэнд утааны эсрэг маск, баг зүүн, хар өнгийн бөмбөлөг барьжээ. Улаанбаатар нь дэлхийн хамгийн хүйтэн нийслэл төдийгүй хамгийн их агаарын бохирдолтой хотуудын нэгт тооцогддогийг НҮБ-аас тогтоосон.

Олон оршин суугчид гэрээ дулаан байлгаж, өөрсдөө даарахгүйн тулд нүүрс түлж байна.

Энэ бол монголчууд утааны эсрэг хийж буй хоёр дахь жагсаал. Эхний жагсаалаас хүргүүлсэн шаардлагад хариу өгөлгүй, өнөөг хүртэл дорвитой арга хэмжээ авахгүй байгаагаас өвлийн хүйтэн өдөр дахин жагсаал хийж байгаа нь энэ юм. Монгол Улсын Байгаль орчин, Аялал жуулчлалын яамны сайд Д.Оюунхоролын мэдэгдсэнээр Монгол Улс 2011-2015 онд утааг бууруулах зорилгоор Засгийн газраас 37 сая ам.доллар гаргаж, олон улсын хандивлагч орнуудаас 47 сая ам.долларын тусламж авчээ.

0-5 хүртэлх насны хүүхдүүдийн нас баралтын дийлэнхи шалтгаан нь агаарын бохирдлоос шалтгаалсан, амьсгалын замын өвчлөл эзэлж байгаа тухай НҮБ-ын Хүүхдийн сан мэдээлсэн байна.

 

Eagle.mn таалагдсан бол
Найздаа илгээх
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. хотын агаарын бохирдолын хэмжээ гамшгийн түвшнээс хол давсан, холбогдох байгууллагаас онцгой байдал хүртэл зарласан байхад яаралтай үр дүнтэй арга хэмжээг авах нэн чухал шаардлагатай байна. дээрх арга хэмжээнүүд нь төр засгийн зүгээс ойрын 2,3 жилд авч болох арга хэмжээ боловч яг одоо агаарын бохирдолыг бууруулж чадах нь тодорхойгүй. Иймээс ядаж энэ өвлийн 1 сар нийтийн тээвэр болон тусгай тээврийн хэрэгсэл, ачаа бараа тээвэрлэх тээврийн хэрэгслээс бусад тээврийн хэрэгслийн хөдөлгөөнийг хязгаарлаж, зөвхөн 24-6 цагийн хооронд зорчдог, мөн хотын захуудаар өдрийн цагаар зорчдог болгох хэрэгтэй гэж үзэж байна. Нэгэнт гал түлээд амь зууж байгаа адилхан иргэдээ гадуурхаж болохгүйгээс хойш, бас аль нэг бизнесийг дэмжиж төрөөс зуух, халаалт худалдаж авч өгөөд тэр нь шаардлага хангахгүй байх асуудлууд гарах нь тодорхой учир дээрх арга улсын төсөвт хэмнэлттэй, үр өгөөжтэй, ард иргэдийн оролцоог шаардсан арга хэмжээ болох юм. Бяцхан үрсийн эрүүл мэндийн төлөө улаанбаатар хотоороо дулаахан хувтаслаад алхаад явахад юу нь болохгүй байх билээ.

    0 0 Хариу бичих
  2. 84 сая $ зарцуулчихаад байхад утаа нь арилж багасах нь битгий хэл улам л өтгөрөөд, нэмэгдээд байдаг. Гайхалтай хэрэг шүү:)) хулгайч төрийн түшээдтэй улс юм чинь ингэхээс өөр яах ч билээ дээ

    0 0 Хариу бичих
  3. mongol gej suntsuj gazar bnas gej bodoj bgaa bhdaa ereed ond dan tenemel huuhed yrdag bsan mongolchuudiig gadaadad ochhoor yg l tenemel ym shig haritsdag bsan gesen

    0 0 Хариу бичих

ЭНЭ ТУХАЙ