Бөмбөгөр худалдааны төвийн ойр орчмоор цай зарж, амьжиргаагаа залгуулдаг Хорлоо эмээг орон гэртэй болгосон Ц.Сувд-Эрдэнэ гэх бүсгүй дахин нэг эмээг гэртээ болгожээ. Ц.Сувд-Эрдэнэ яг жилийн өмнө Хорлоо эмээг гэртэй болгож байсан юм.

Тэгвэл хэдхэн хоногийн өмнө Баянзүрх дүүргийн 24 дүгээр хороонд амьдардаг 63 настай н.Цэцэгээ эмээд хандив цуглуулан, орон гэртэй болгоё гэх доорх постыг өөрийн фэйсбүүктээ нийтэлж, түүнд туслах хандивын аяныг эхлүүлсэн юм. н.Цэцэгээ эмээ амаржаад удаагүй охин, түүний гурван хүүхэдтэй амьдардаг.

ХОРЛОО ЭМЭЭГИЙНД ЗОЧИЛСОН СУРВАЛЖЛАГЫГ ЭНДЭЭС УНШААРАЙ.

Ц.Сувд-Эрдэнийн пост олонд хүрч, н.Цэцэгээ эмээгийн гэр бүлд Эрээн хотод амьдардаг Өвөрмонголын иргэн н.Алтансүх, түүний гэргий н.Батхишиг нар иж бүрэн тавилгатай таван ханатай гэр бэлэглэжээ. Мөн сайхан сэтгэлт залуусын тус дэмжлэгээр н.Цэцэгээ гэртэй болжээ. Ийн залуус өчигдөр н.Цэцэгээ эмээгийн будаг нь ханхалсан таван ханатай гэрийг барьж, тэднийг шинэ гэрт авчирсан байна.

Сайн үйлс бүхэн дэлгэрэх болтугай.