Сангийн яам 7, 8, 9 дүгээр сарын хүүхдийн 20 мянган төгрөгийн санхүүжилтийг шийдвэрлэж, холбогдох газрууд руу шилжүүлсэн гэх мэдээлэл буй.

Ингэхдээ хүүхдийн мөнгийг 60 хувьд буюу зорилтот бүлэгт олгох бөгөөд үлдсэн 40 хувьд 2019 онд хуримтлал хэлбэрээр олгохоор төсөвд суулгасан байна.

Түүнчлэн эдгээр саруудын хүүхдийн мөнгийг өчигдрөөс эхлэн олгож байна гэх мэдээлэл зарим мэдээллийн сайтаар явах болсон.

Тэгвэл энэ талаар “Хаан банк”, “Төрийн банк”, “Хас банк” болон “Капитал банк”-наас тодруулахад “Хүүхдийн мөнгөний санхүүжилт орж ирээгүй байгаа. Хэзээнээс олгодох нь тодорхойгүй байна” гэв.