Баян-Өлгийд болсон үерийн улмаас 640 гаруй иргэн орон гэргүй болжээ

Баян-Өлгий аймагт энэ сарын 10-нд буюу өнгөрсөн амралтын өдөр аадар бороо орж, Өлгий хот бүхэлдээ усанд автсаны улмаас Ховд голын эргээр оршин суудаг 160 гаруй өрх үерт нэрвэгдэж, бага насны хүүхэд амиа алдаад байгаа талаар бид мэдээлсэн. Тэгвэл үерийн гамшгийн улмаас 640 гаруй иргэн орон гэргүй болжээ.

Онцгой байдлын ерөнхий газрын мэдээлснээр Өлгий суманд  хүчтэй аадар борооны дараа 30 минут мөндөр үргэлжлэн орсон байна. Улмаар тус сумын 1, 6, 9, 11 дүгээр багийн айл өрхүүд үерт нэрвэгджээ.

Байгалийн гамшгийн үеэр 18 байшин нурж, нэг хүн нурсан байшинд дарагдан, 110 орон байр, эд хөрөнгө усанд автаж, голын усанд нэг хүн боогдсон, хоёр байрны дээврээс ус нэвтэрсэн байна. 

Онцгой байдлын газрын албан хаагчид оройн 22 цагт байшинд дарагдсан гурван хүнийг аварч эмнэлэгт хүргэсэн байна. Мөн усанд боогдсон 154 хүнийг аварч, голын усанд боогдсон нэг өрхийн таван хүнийг завиар аюулгүй газарт хүргэжээ.

Хүчтэй аадар борооны үеэр Өлгий сумын 9-р багийн иргэн Д-ийн гурван настай хүүхэд устай нүхэнд унаж амь эрсэдсэнийг Цагдаагийн газар шалгаж байгаа аж.

Гамшигт үзэгдэлтэй холбогдуулан Аймгийн Онцгой комисс гамшиг болсон өчигдөр шуурхай хуралдаж, яаралтай хариу арга хэмжээ авах шийдвэр  гаргасан байна. Үүнд:

1. Аврах ажиллагаанд Онцгой байдлын газраас 35 албан хаагч, 4 автомашин, Цагдаагийн газраас 100 албан хаагч, 6 автомашин, Цахилгаан шугам сүлжээний газраас 6 хүн, Зэвсэгт хүчний 340 дүгээр ангиас 20 албан хаагч, туулах чадвар сайтай ЗИЛ-131 маркийн 2 автомашин, зам засварын “Жол” ХК-наас 10 ажилчин, Камаз маркийн 1, ковш 1, цэвэр, бохир усны “Суат” компаны 8 ажилчин, авто кран 1, квош 1, хувь хүний 1 кран техник хэрэгслийг дайчлан ажиллуулж байна.

2. 2016 оны 07 дугаар сарын 11-ний ѳдѳр Ѳлгий сумын 9 дүгээр багт Онцгой байдлын газрын 3 бүлэг, Ѳлгий сумын мэргэжлийн ангиийн бие бүрэлдэхүүн далан босгож, үерийн усыг Ховд гол руу урсгах 1 км гаруй шуудуу ухаж, усанд автагдсан болон нурсан блокон байшинтай айлуудын эд зүйлсийг үерийн голомтоос нүүлгэн шилжүүлсэн.

3. 2016 оны 07 дугаар сарын 14-ний ѳдѳр аймгийн Онцгой комисс дахин хуралдсан.Урьдчилсан байдлаар Ѳлгий сумын 160 гаруй ѳрхийн 640 хүн нэрвэгдэж, аймгийн Онцгой комиссоос үерт нэрвэгдэгсдэд шинээр газар олгох, орон байргүй үлдсэн иргэдийг түр хоргодох байраар хангах, хохирлын хэмжээг нарийвчлан тогтоох зэрэг удирдлага зохион байгуулалтын арга хэмжээ авч байна.

4.  Одоогоор үерт нэрвэгдсэн 104 өрхөд шинээр газар олгосон.

Эхний ээлжинд дээрх 640 хүнд хоол хүнсний туслалцаа нэн шаардлагатай байгаа боловч нөхцөл байдал аймгийн онцгой комиссын хяналтад байгаа аж.

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (5)

  1. MAH tur zasagiig avsan, odoo ehniih ni gai garj baih shiv de. Ulam ih uer bolj ulam ih tuimer garch uls oron suideh boltugai

    0 6 Хариу бичих
    • тэнсэн сум ялагдсан ардчлсан намын баас

      0 0
    • tng boow we

      1 0
    • Муу ёрын амтай новш вэ!!!

      1 0
    • хөөе, улстөрийн хэнээтэн гуай, байгалийн гамшигг нэрвэгдсэгсдийн зовлонгоор бүү зугаац. чамайг болон чамтай холбоотой бүхнийг дайрвал чамд ингэж галзуурах завда л ч олдохгүй шүү. яадаг муу дурак вэ.

      11 0