УИХ-ын гишүүн, Зам тээврийн сайд М.Зоригт “Бүрэн зураглал”-ын дараагийн зочноор “Сүхбаатар аймгийн хөгжил дэвшлийн тухай” Сүхбаатар аймгийн Засаг дарга Ж.Батсуурьтай ярилцлаа.
Сүхбаатар аймгийн хөгжлийн гарцын талаар "Бүрэн зураглал"-ын зочноор уригдсан Гавьяат жүжигчин Ч.Алтан-Өлзий ярилцаарай хэмээн захисны дагуу түүнийг урин оролцуулсан талаараа М.Зоригт гишүүн онцолсон.
Сүхбаатар аймгийн Засаг дарга Ж.Батсуурь аймгийн хөгжлийн тухай “Бид боловсролын хөгжлийн хөтөлбөрийг гарган нутгаасаа төрөн гарсан мундагчуудыг урин хөтөлбөр боловсруулж багаараа ажилласнаар амжилт нүдэн дээр өссөн. 74 жилийн түүхэнд анх удаа сагсан бөмбөгөөр манайхаас аваргууд төрөн гарсан. Энэ бол багийн л ажиллагаа. Бүх хүн байгаа мөчөөсөө эргээд бодох ёстой. Хүн бол бусдаас ялгарах нь шуналтай. Гар утас байхгүй байхад бид яаж амьдарч байв. Өнөөдөр мааждаг малтдаг утастай болчхоод улам л бухимдаад байгаа. Юмтай болоод бухимдаад байна гэдэг бол дэврүүн байна. Монгол Улсын хөгжил 1990 оноос хойш онгоц шиг хурдтай байна” хэмээн ярьсан юм.
