"Илүү их уншъя” уриатай 34 дэх удаагийн "Үндэсний номын баяр" Сүхбаатарын талбайд үргэлжилж байна.
Энэ удаагийн номын баярт Монгол Улсын Үндэсний номын сангийн асраар зочлон дараах үйлчилгээнд хамрагдах боломжтой. Тодруулбал, Үндэсний номын сангаас эрхлэн хэвлүүлсэн марк, номын худалдааг сонирхож, уншигчийн үнэмлэх нээлгэх боломжтой. Мөн “Монголын нууц товчоо”-той холбоотой номын үзэсгэлэн гарна.
Танин мэдэхүйн 10 асуулттай үгийн сүлжээг зөв бөглөөд нэг номоор шагнуулж, уншсан номоо ном солилцооны буланд байгаа өөрийн сонирхсон номоор сольж авах боломжтой.
“Номоо хайрлая” ном сэлбэн засах, зөвлөх үйлчилгээ, Гүюг хааны тамганы дардас дарах, "Үлгэрээс үлгэрлэе" хүүхдэд зориулсан хөтөлбөр, чанга уншлага, “BOOK BATTLE” үндэсний бичгээр хурдан унших тэмцээн, Төрөл бүрийн материалаар номын хавчуурга хийх аргыг хүүхдүүдэд заах, өөрсдөөр нь хийлгэх зэрэг үйлчилгээг олон нийтэд үзүүлнэ.
