"Монголчууд та бүхэн бичгийн хэлээ хайрлаж, хэрхэвч алдаж болохгүй шүү" хэмээн сануулж буй Осака их сургуулийн монгол хэлний багш Шиотани Шигэки "Eagle" радиогийн зочноор уригдлаа. Монгол судлалыг, монгол хэл бичгийг залгамжлан хөгжүүлж, мэдлэг чадвар, нэгэн насны амьдралаа зориулж буй монголч эрдэмтдийн төлөөлөл болсон энэ эрхэм "Монгол хэлний үг зүй ба үгсийн сангийн судалгаа", "Монгол хэл эхлэн сурах бичиг монгол хэлний унших ярих дадлагын хичээл" зэрэг гарын авлага ном товхимолыг гаргасны зэрэгцээ Монгол зүйр цэцэн үг,монгол ардын үлгэрүүдийг орчуулж Япон улсад хэвлүүлсэн юм.
