ИНЕГ 367 хүний сургалтын зардалд 11.3 сая доллар зарцуулсан
Зам, тээврийн хөгжлийн сайд С.Бямбацогт Иргэний нисэхийн ерөнхий газрын тэтгэлгээр гадаадад сурсан хүмүүсийн талаар өнөөдөр мэдээлэл өглөө. Тэрээр “ИНЕГ-ын зардлаар 2005-2022 онд нийт 367 суралцагч суралцсан. Үүнд 11 сая 376 мянган доллар буюу 28 тэрбум төгрөг зарцуулсан. Үүнээс салбарын мэргэжлээр суралцсан 332, нийтлэг мэргэжлээр суралцсан 35, сургалтын гэрээ нь цуцлагдсан 11, хувийн зардлаар үргэлжлүүлэн суралцаж буй 16, одоо суралцаж буй 14, салбартаа ажиллаж буй 262, ажлын байр хүлээж хүний нөөцөд бүртгэлтэй 63 хүн байна. Сургалтын гэрээ нь цуцлагдсан 11 суралцагчийг гэрээ зөрчсөн гэж үзэн төлбөрийг эргэн төлүүлнэ. ИНЕГ-ын дарга нар энэхүү шийдвэрийг хаагдмал гаргаж ирсэн. Одоо үүнийг шилэн болгоно. Мэргэжилтнүүдийг дан ганц гадаадад биш өнөөдрийн байдлаар таван улсын 135 нислэг, өдөрт 20 гаруй нислэг хийгдэж байна. Цаашдаа Тайланд, Вьетнам, ОХУ-ын онгоц нисдэг болно. Тун удахгүй АНУ-ын онгоц Монгол Улсад буудаг болох бололцоо боломжийг бүрдүүлнэ. Өөрөөр хэлбэл 5 улс биш 10 улсын онгоц буудаг болно” гэсэн юм.