Улсын нэгдүгээр төв эмнэлэг элэг шилжүүлэн суулгах 200 дахь мэс заслаа амжилттай хийлээ. УНТЭ-т Элэг шилжүүлэн суулгах баг 2009 анх онд байгуулагдаж, анхны мэс заслаа 12 жилийн өмнө буюу 2011 онд БНСУ-ын Асан анагаах ухааны их сургуулийн элэг шилжүүлэн суулгах багийн хамт олонтой хийж байсан түүхтэй.

Өдгөө 2023 оны тавдугаар сарын 22-ны өдөр элэг шилжүүлэн суулгах 200 дахь мэс заслаа амжилттай хийгээд байна. Элэг шилжүүлэн суулгах мэс засалд орсон өвчтөний нэг жил амьдрах хувь 93.6 хувь, 3 жил амьдрах чадвар - 92,3 хувь, 5 жил амьдрах чадвар - 92,3 хувь байгаа нь дэлхийн өндөр хөгжилтэй орны элэг шилжүүлэн суулгах бусад төвүүдийн үзүүлэлтэй дүйцхүйц түвшинд байгаа юм.