ОХУ-ын хөлсний цэргийн Вагнер бүлгийн удирдагч Евгений Пригожин Украины Бахмут хотын тулаанд 20,000 цэргээ алдсан тухай мэдээлжээ. Вагнерын хөлсөлсөн 50,000 цэргийн 20 хувь болон Оросын армийн мөн тооны цэргүүд өнгөрсөн саруудад амиа алдсан байна.

Түүнчлэн Пригожин дайны арга барилаа сайжруулахгүй бол Орос орон дахин нэг хувьсгалтай нүүр тулж болзошгүй гэдгийг анхааруулжээ. Өөрөөр хэлбэл Оросын эрх баригчдын одоогийн нөхцөл байдал 1917 оны хувьсгалтай ижил үр дүнд хүргэнэ гэдгийг сэрэмжлүүлсэн байна.

Вагнер бүлгийн удирдагч Путины удирдах арга барилыг Путины цус урсгасан нядалгаа гэж нэрлэвэл зохилтой гэжээ. Хэдийгээр Вагнерын хөлсний цэргүүд Бахмутыг хяналтандаа авсан тухай Пригожин мэдээлсэн ч Украины Засгийн газар үгүйсгээд байгаа юм.