АН-ын нэр дэвшигчид түрүүчээсээ тодорч эхэллээ

Ардчилсан намын ҮЗХ-ны ээлжит хурлын өмнө аймаг, дүүргийн намын хороод нь хуралдаж, нэр дэвшигчдээ тодруулж эхэллээ. Өчигдрөөс эхлэн нийслэлийн хэд хэдэн дүүрэгт нэр дэвшигчид нь урьдчилсан байдлаар тодорхой болов. Гэхдээ нэр дэвшигчдийг ҮЗХ-ны хурлаар эцэслэн батламжлах юм. Ингээд нэр дэвших мандатаа аймаг, дүүргийн намын хорооноосоо аваад буй эрхмүүдийг танилцуулъя. 

АН-ын дарга Баянгол дүүрэгт дэвшинэ

АН-ын дарга, УИХ-ын дарга З.Энхболд нийслэлийн Баянгол дүүрэгт нэр дэвшихээр боллоо. Түүнтэй хамтаар УИХ-ын гишүүн С.Эрдэнэ, С.Одонтуяа нар, мөн Баянгол дүүргийн Засаг дарга Д.Оросоо нар нэр дэвших мандатаа дүүргийн намын хорооноосоо авлаа. Дүүргийн Засаг дарга Д.Оросоогийн 2012 онд тус дүүргээс НИТХ-д нэр дэвшиж ялалт байгуулсан. Улмаар өнгөрсөн хугацаанд дүүргийн Засаг даргаар ажиллаж байгаад УИХ-д нэр дэвшихээр болж байна. Харин АН-ын дарга З.Энхболд өмнө нь 2008 онд Өвөрхангай аймгаас сонгогдсон бол 2012 онд жагсаалтаар УИХ-д сонгогдсон билээ. Энэ удаад төрөлх Өвөрхангайдаа бус хотын төвийн Баянгол дүүрэгт нэр дэвшихээр болж байна.  

Г.Батхүү, Л.Болд, Г.Байгалмаа, Ж.Ганхуяг нар Хан-Уул дүүрэгт

Засгийн газраас хэрэгжүүлсэн хямд үнэтэй орон сууцны хөтөлбөрүүд бүгд Хан-Уул дүүрэгт хэрэгжсэн. Өөрөөр хэлбэл, АН-ын орон сууцжуулах бодлогын үр шимийг Хан-Уулынхан хангалттай хүртсэн юм. Энэ утгаараа тус дүүрэгт нэр дэвших хүмүүсийн дунд УИХ-ын даргын Ипотек, барилгын салбар хариуцсан зөвлөх Г.Байгалмаа багтлаа. Мөн тус дүүргээс хоёр ч удаа УИХ-д сонгогдсон Л.Болд, тус дүүргийн Засаг дарга Ж.Ганхуяг нар нэр дэвших дэмжлэгээ аваад байна. Түүнчлэн Хан-Уул дүүрэгт УИХ-ын гишүүн Г.Батхүү нэр дэвшихээр болжээ.  

Хэнтий аймагт гурван “баатар” нэр дэвшинэ

Хэнтий аймагт 2012 оны Сонгуулиар М.Хүдэрбаатар, Б.Гарамгайбаатар нар нэр дэвшиж байсан. Харин энэ удаад гурван “баатар” нэр дэвшихээр болжээ. Тухайлбал, УИХ-ын гишүүн, АН-ын бүлгийн дарга Б.Гарамгайбаатар, Хэнтий аймгийн Засаг дарга Ж.Оюунбаатар болон Ерөнхий сайдын зөвлөх М.Хүдэрбаатар нар нэр дэвших мандатаа өвөртлөөд байна. Тус аймгийн хувьд хоёр мандаттай байсан ч УИХ-ын хэлэлцүүлгийн явцад дахин нэг мандат нэмэгдсэн билээ.

Сүхбаатар аймагт Ж.Батсуурь, Дорнодод М.Зоригт

Сүхбаатар аймаг УИХ-д ердөө нэг мандаттай. Уг нь хоёр мандат болгосон байсан ч нэгийг нь Увс аймаг руу шилжүүлсэн билээ. Тэгвэл тус аймгаас нэр дэвших нь тодорхой байсан аймгийн Засаг дарга Ж.Батсуурь намын хорооноосоо дэмжлэгээ авсан байна. Тэрээр өнгөрсөн найман жилийн хугацаанд Сүхбаатар аймгийн Засаг даргаар ажиллаж, аймгийн хөгжлийг эрс шинэчилж чадсан. Өмнөх 2012 оны сонгуулиар нэр дэвших боломжтой байсан ч аймгаа хөгжүүлэхэд дахин дөрвөн жил ажиллая хэмээн татгалзаж байсан юм. Тэгвэл 2012 онд Сүхбаатар аймгаас нэр дэвшиж байсан М.Зоригт гишүүн энэ удаад Дорнодод очихоор болсон. Тэрээр өмнө нь Дорнод аймгаас нэг удаа УИХ-д сонгогдож байсан юм. Түүнтэй хамтаар Дорнодын тойрогт аймгийн намын хорооны дарга Д.Энхбаатар нэр дэвших эрхээ “өвөртөлжээ”. 

Орхонд Д.Одхүү, Д.Алтанхуяг, Б.Мягмарсүрэн нарыг дэмжжээ

Энэ тойрогт нэр дэвшихээр эртнээс “усалж” байсан М.Батчимэг гишүүн намын хорооны хурал эхлэхэд нэр дэвшихээс нэрээ татсан байна. Ингэснээр өрсөлдөөн Д.Алтанхуяг, Б.Мягмарсүрэн, Х.Золжаргал, Д.Өсөхбаяр, Д.Одхүү нарын дунд өрнөжээ. Намын хороо шөнөжин хуралдаж, үүргийн 5:00 цагийн үед нэр дэвшигчдээ тодруулсан байна. Ингэснээр Д.Одхүү, Д.Алтанхуяг, Б.Мягмарсүрэн нар Орхоны тойргуудад нэр дэвшихээр болжээ. Одоо тэдний өмнө ҮЗХ гэх том даваа бий.

Сүхбаатар дүүрэгт АН-ын шилдгүүд өрсөлдөнө

УИХ-ын гишүүн Р.Амаржаргал, Л.Гантөмөр, Х.Тэмүүжин, Б.Мэдрээ нар Сүхбаатар дүүрэгт АН-ыг төлөөлөхөөр боллоо. Тус дүүрэгт 2012 онд Р.Амаржаргал, Х.Тэмүүжин нар нэр дэвшиж, сонгогдож байсан. Харин Х.Тэмүүжин, Б.Мэдрээ нар өнгөрсөн сонгуулиар жагсаалтаар сонгогдсон. Ерөнхийдөө Сүхбаатар дүүрэгт АН-ын шилдэгүүд нэр дэвшихээр болж байна.

Экс Ерөнхий сайд Н.Алтанхуяг Увс аймагт очино

УИХ-ын гишүүн, экс Ерөнхий сайд Н.Алтанхуяг Увс аймагт өрсөлдөхөөр боллоо. Түүнтэй хамтаар “Тэсо” корпорацийн ерөнхийлөгч О.Цогтгэрэл, Эрчим хүчний зохицуулах хорооны дарга С.Отгонбаяр нар нэр дэвших мандатаа авчээ. Увс аймаг сонгуулийн хуулийг өөрчилж, батлахын өмнө хоёр тойрогтой байсан. Гэвч Н.Алтанхуяг гишүүн санал гаргаснаар гурван тойрогтой болгосон. Н.Алтанхуягийн хувьд 2008 онд Сонгинохайрхан дүүрэгт нэр дэвшиж, сонгогдсон. Харин 2012 онд жагсаалтыг тэргүүлж сонгуульд оролцсон.

Сэлэнгэчүүд С.Баярцогтыг сонголоо 

Хэдийгээр АН-ын дарга З.Энхболд сонгуульд С.Баярцогтыг нэр дэвшүүлэхгүй гэж байсан ч Сэлэнгийн АН-ынхан түүнийг “ногоон гэрэл”-ээр дэмжлээ. Түүнтэй хамтаар Аж үйлдвэрийн сайд Д.Эрдэнэбат, Монголын үр тариа эрхлэгчдийн холбооны тэргүүн Л.Цандэлэг нар аймгийн намын хорооноосоо дэмжлэг авсан байна.  

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (15)

  1. Энэ цандэлэг болиоосой.тариа ч танилцахгүй шоуддаг нөхөр.

    0 0 Хариу бичих
  2. Харин энэ удаад АН-аас нилээд чамбай хүмүүс нэр дэвшиж байгаа юм бна даа

    0 0 Хариу бичих
    • ish humsaa nuusan bertegchinguud

      0 0
  3. Баярцогт одоо яах гэж,юу дутлаа гэж УИХ-н гишүүн болох гээд байгаа юм бол..,Улсад хэрэгтэй юм хийхүү,өөртөө хэрэгтэй юм хийхүү.66

    0 0 Хариу бичих
    • Чи МАН-н 40-н дээрэмчдийг бичихгүй юу.

      0 0
  4. Ялангуяа Эрдэнэт,Дархан,Өвөрхангай,Баянхонгор,Булган,Хэнтий,Сэлэнгэ,ХУД-т АН-с нэг ч хүн гарахгүй нь дээ

    0 0 Хариу бичих
    • Яаж ялахыг яруу тодоор харуулна.айгаа юу чи.

      0 0
  5. Дээрх эрхэмүүдээс Н.Алтанхуяг,Баярцогт,СБД-н 3 л гарна бусад нь будаа юм шигээ

    0 0 Хариу бичих
  6. ene erhee avsan nuhduud dund mongoliig uud n tatah hun barag baihgui bna.busad namuudiig harj l suuya daa.buh songuulid AN -g demjsen.odoo arai uur songolt hiih bolchvuu daa gej harj bna.

    1 0 Хариу бичих
  7. АРДЧИЛСАН НАМЫН ОДООГИЙН УДИРДЛАГУУД ТУН МУУ АЖИЛЛАЖ БАЙНА.... ӨӨРСДИЙНХӨӨ НЭРИЙГ ДЭВШҮҮЛЭХИЙН ТУЛД ХАА ХАМААГҮЙ ХҮМҮҮСИЙН НЭРИЙГ ДЭВШҮҮЛЖ БАЙХ ЮМ.... ТЭД СОНГОГДОЖ ЧАДАХГҮЙ ЭЭ.... ЭНЭ УДАА ТА НАР ӨНГӨРСӨН БАЙНА... ШУДАРГА, ЁС ЗҮЙТЭЙ ХҮМҮҮСИЙГ ДЭВШҮҮЛЭХ БАЙЛАА.... УИХ ГИШҮҮН БОЛ ШАГНАЛ БИШ.... ЭНЭ УЛС ОРОНД ЮУ ХИЙЖ ЧАДАХ ХҮМҮҮСИЙН ЦЭЦ БУЛААЦАЛДДАГ ГАЗАР.... ТА НАРЫГ ХАРААД ХҮМҮҮС СТРЕСС- Т ОРОХООС ӨӨР САЙН ЮМ АВЧИРАХГҮЙ БАЙНА... БИ ЛАВ СОНГУУЛЬ ӨГӨХ СОНИРХОЛГҮЙ БОЛЧИХЛОО...

    1 0 Хариу бичих
  8. ямар юумны чинь Ипотек , барилгын салбар хариуцсан зөвлөх байх уу даа Шинээр баригдаж байгаа барилгууд зарагдахгүй байна л гэнэ урьдчилгаа төлбөрийг нь 10-н хувь болгоод зах зээлд гүйлгээнд оруулах юмыг олж харж чадахгүй байгаа хүн яаж УИХ-д очиж хууль батлалцана гээд сууж байхав дээ, Малчины зээл хүүг 10-н хувь болгочихсон л байна ш дээ, Наад шинэ барлигууд чинь эзнээ хүлээгээд түрүүчээсээ мараалийн элэгдэлд орлоо ш дээ

    0 0 Хариу бичих
  9. Батсуурь Сүхбаатар аймагт амжих уу хагартлаа идэж уусан сонгох уу монголд цалингаараа орд харшид амьдардаг айн

    1 0 Хариу бичих
  10. Батхүү Хан-Уулаас гарах уу тэгээд Өвөрхангай нутгаа яасан вэ, нэр дэвшигчид уг нь нутгаасаа л сонгогддогсон, Хан-Уулынхан ГҮЙГҮҮЛ моринд дургүй шүү дээ

    0 0 Хариу бичих
  11. ИШШШШШ БУГДЭЭРЭЭ НАМ ТАВИУЛНА ДАА ТА НАР АРД ТУМНИЙ БУСИЙГ ХУЧЭЭР ЧАНГАЛЖ ЦАЛИН ЭНТР НЭМЭХГУЙ ИЛУУ ГАРГАЖ БАЙГААД АЛХУЯГ ЗИ НАР ТА НАР ИДЭЖ УУЦГААСНЫХАА ХАРИУГ ХАР МАШИНТАЙГАА ХАМТ 6 САРЫН 29- НД, 2020 ОНЫ 6- Р САРЫН 29 НД ДАХИН ХОЕР ДАХИА СУРАГГУЙ БОЛТЛОО ЕШИГЛУУЛНЭ ДЭЭ МУУ АРД ТУМНИЙГ БАСАМЖЛАГЧИД УХЭЖ БАЙГАА ЮМ ШИГ Л ИДСЭН ДЭЭ ТА НАР!!!!!

    1 0 Хариу бичих
    • Чи муу МАН-н хорчин айгаад салаглаад б.аа юм уу.

      0 0

ЭНЭ ТУХАЙ