Дөрвөн настай aнгли хүү “Mensa”-д элссэн хамгийн залуу гишүүн болжээ

Дөрвөн настай aнгли хүү IQ өндөртэй хүмүүсийн олон улсын клуб болох “Mensa”-д элссэн хамгийн залуу гишүүн болжээ. Түүнийг Тедди Хоббс гэх бөгөөд хоёр настайдаа өөрөө бие даан уншиж, тоолж сурсан байна.

Тэрээр телевиз үзэж, таблетаар тоглож байхдаа эцэг, эх  нь ч анзаараагүй байхад нэг л мэдэхэд уншиж, тоолж сурсан байжээ. Түүнчлэн хятад  хэлийг ч бас сурчээ. Хүүхдийнхээ онцгой чадварыг хөгжүүлэхийг хүссэн эцэг эх нь сургуульд орохоос нь өмнө IQ өндөртэй хүмүүсийн клубт элсүүлэхээр шийдсэн аж. Тедди ширээний ард тогтвортой суудаг бөгөөд гурван нас долоон сартайдаа нэг цаг үргэлжилсэн шалгалтыг амжилттай сууж өгч байжээ. 1946 онд үүсэн байгуулагдсан “Mensa” клуб нь дэлхийн 90 гаруй орны 145000 орчим гишүүнтэй аж.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)