О.Тулга финалд шалгарч Д.Ганболд, Г.Лундаа нар хүрэл медаль хүртлээ 

“Бангкок-2023” сонирхогчдын боксын U22 насны Азийн аварга шалгаруулах тэмцээний зургаа дахь өдөр эрэгтэйчүүдийн хагас шигшээ тулаанууд боллоо. Манай улсаас гурван боксчин өчигдөр тулалдаж 63.5 кг-ын жинд өнгөрсөн жилийн Дэлхийн цомын хүрэл медальт “Алдар” спорт хорооны тамирчин Оюунбаатарын Тулга медалийн тулаанд Казахстаны Мусаммедсабир Базарбай Уулуг 3:2-оор ялж финалд шалгарсан юм. Ингэснээр тэрээр нэгдүгээр сарын 26-ны өдөр Узбекистаны Шахбоз Юнусалиевтай алтан медалийн төлөө өрсөлдөх юм.

Харин 54 кг-ын жинд “Хангарьд” спорт клубийн тамирчин Доржнямбуугийн Ганболд хагас шигшээд Филиппиний Жара Флинтэд 2:3-аар, 57 кг-д өнгөрсөн жилийн насанд хүрэгчдийн Азийн АШТ-ий хүрэл медальт Гантөмөрийн Лундаа Тайландын Сухтет Саравутад 0:5-аар ялагдснаар хүрэл медалийн эзэн болж байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)