Ий! Mongolia…!

Ий! Mongolia…!

-фельетон-

Түүх ингэж эхэлсэн юм. Цахилгаан яамны сайд Учирт дарга нэмж долоон хүүхэдтэй болоод сэржээ. Урд орой нь зохих тооны хүүхэддээ “Чоно ба долоон ишиг” үлгэрийг ярьж өгөөд, ямар ч илүү дутуу үйлдэл хийлгүй, маш тохитой томоотой байдлаар унтаад сэртэл ийм явдал болж гэнэ. Сэрэх юу байхав, “нүдээр сонссон” гэрч нарын яриагаар бол утсанд нь тийм мэссэж иржээ. “Танайх +7 хүүхэдтэй болсон тул халамжийн мөнгө авна”. 

                  Уг нь мөнгө авахад муу юм юу байхав. Гэтэл юу яасны “сайд ба долоон ишш...” гэнэ ээ, хадуурчлаа. “Чоно ба долоон ишиг” гэдгээс дор юм болов. Мэдээж эхнэр нь уурласан байна. Энэ эхнэрүүд гэж, өөр хүний хүүхдүүдийг нэг их анзаардаггүй атлаа нөхрийнхээ хүүхдүүдэд таагүй байдаг нь сонин. Уг нь ойрын төрөлдөө тооцоод хайрлаад явчихаж болмоорсон. Ийм үед хүн ажлын газрын эрчүүдээ эхлээд харддаг тэр журмаар Учирт сайд Их хурлын гишүүдээс “Хэн чинь манайд (хэнд?) долоон хүүхэд хийчих ээ вэ” гэсэн асуулга тавьсан гэх. Нөгөөдүүл нь:

-Танайхыг ч яахав би хийсэн байж гэхэд манайхыг хэн хийчихэв гэж өөдөөс сөргөсөн байна. 

                                                                                                         ххх

Юмны учрыг олдог, олдог ч юу байхав угаасаа бүх юмны учир толгойд нь бэлэн байдаг улсын ярих нь: Учирт сайдын орлогч асан Обума их сэргэлэн хүүхэн. Ажлаас халагдахдаа сайдынхаа долоон нууц хүүхдийг газрын мухраас эрж олоод системдээ бүртгүүлчихсэн. Амаргүй амьтан даа гэлцэнэ. 

                                                                                                        ххх

Угаасаа халамжийн мөнгийг хувааж авах зорилгоор бүтээсэн “дижитал хүүхэд” улсын бүртгэлд байсан. Койн хүүхэд ч гэсэн болно. Хасчихаар баахан хүүхэд үхснээр бүртгэгдээд статистик сүйрчих гээд болоогүй. Иймээс, “хүний нохой идэхээр өөрийн нохой идэг” гээд дарга нартаа хувааж өгөөд нэг их магтуулах гэтэл ийм юм болсон ч гэх шиг.

                                                                                                          ххх

Их хурлын өргөдөл гомдлын хороонд:

-Учирт сайд дээр долоон хүүхэд нэмж бүртгүүлсэн явдал нь авилгын шинжтэй. Хамаг юмыг дээгүүрээ хувааж аваад дуусдгийн жишээ гээд энэ асуудлаар нээлттэй сонсгол явуулахыг шаардсан байна.

                                                                                                     ххх

Засгийн газрын иргэнтэй харилцах утсанд

-Хүүхдээ хаанаас авах вэ гэсэн асуултыг 5000 гаруй иргэн тавьсан байна.

                                                                                                   ххх

Нийгмийн сүлжээнд доохи утгатай зар олноороо орсон байна

-Дөрвөн хүүхдийг халамжийн мөнгөтэй нь шилжүүлнэ.

-Хоёр машин, гурван орон сууц дагуулж ирсэн, буян далладаг хоёр хүүхэд зарна. Зөрүүг тохирно.

-Халамж авахад хоёр хүүхэд дутсан тул яаралтай бэлэн мөнгөөр авна.

-Дижитал таун хаусыг аналог хашаа байшингаар солино. Зөрүүнд нь И-Монголиад байдаг приус оролцуулна.

                                                                                                         ххх

Эхнэр нөхөр хоёр И-Монголиа апп ухангаа хэрэлдэнэ.

Эхнэр,

-Мэдээд байсан юм аа, новш. Нэг байж болно, хоёр байж болно, за яахав гурав байж болно. Арга барахад тав ч яахав, гэтэл чи зургаан нууц хүүхэдтэй байсан байх даа яадаг юм бэ? Юмаа аваад манайхаас зайлаарай

-Байз байз. Чи цааш нь хардаа?

-Юу? Дахиад хүүхэд үү ?

-Жаахан тэсээд, доош нь, тэр орон сууц гэсэн хэсэг рүү?

-Хүүе ээ. хоёр орон сууц...

-Одоо цааш нь, машин гэснийг...

-Хүүе ээ. Тээврийн хэрэгслэл дөрөв... айн? Алив би хоол хийе. Чи цааш нь ухаж бай.

                                                                                              Ххх

Ямар ч зоригтой, эхнэрээсээ айдаггүй эр хүнд

-Ий! Цаана чинь И-Монголиа гэхэд хулхи нь буудаг болсон гэнэ.

                                                                               ххх

Нөхөр нь муухай царайлан, утсаа ухан хэвтэнэ. 

-Миний хөгшин яагаав, ажил төрөл нь зүгээр үү?

-Ажил ч яахав ээ. Олон хүүхэнтэй байгууллагад ажиллах үнэхээр хэцүү болчихлоо

-Тэр яах вэ? Миний өвгөн л томоотой байвал юу алзах билээ?

-Миний томоотой байх ч яахав. Цаад E-Mongolia чинь юу ч хийж мэдэхээр байна ?

                                                                                ххх

МНТ. §21(b). Алунгоо эх сандран сууна. Добу Мэргэнийг үгүй болсноос хойш төрсөн гурван хүүхдийнхээ учрыг тайлбарлахыг оролдоно.

-Шөнө болмогц өрхний завсраар E-Mongolia шар гэрэл цацруулан орж ирээд...

                                                                                         Ххх

E-Mongolia апп-д хийсэн шинэ өргөтгөл. Апп-аа нээж ядан эргэлзэх үед

-Үхснээс нь айдгийн, зоригтой бай... Хүн нэмбэл хүнс нэмнэ. Хүүхэд нэмбэл халамж олдоно” гэсэн бичиг гарч ирнэ.

                                                                                            ххх

-Хуучин хүү шинэ хүүхдүүд болов. “E-Mongolia” нь “Ий! Монгол” болов. Юутай завшаан. E-Natsagdorj.

                                                                                                                                                                                                                           2023.01.18


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (5)

  1. Ий

    0 0 Хариу бичих
  2. Сонгуулийн үеэр танихгүй авгай нар утсаар лавлагаа аваад байсан.Луйвар булхай,царцааны нүүдлийг зохицуулах гэж будлиантуулсан байж болох л юм.Баасан баасаа арилга л даа луйварчид аа. E.MONGOLIA ч бас орж болдоггүй хэцүүхэн л апп байна билээ.

    1 0 Хариу бичих
  3. HU namiig taraaj huigui bolgoh heregtei

    0 0 Хариу бичих
  4. угаасаа энэ ху нам байгаа цагт бүтэхгүй ээ, наад и-Монголиагаас чинь хамаагүй өмнө, олон жилийн өмнө цэргийн бүртгэлийн үеэр хороон дээрээ очоод өөрийнхөө цэргийн бүртгэлийн баримтыг шүүж байсан чинь яг манай гэрийн хаяг дээр шаал танихгүй хүний нэр ус байж байгаа юм, дараа нь миний цэргийн бүртгэлийн баримт ч гараад ирж байгаа юм. тэгээд яагаад манай гэрийн хаяг дээр огт хамаагүй, танихгүй хүний бүртгэл байж байгаан бэ гээд хорооны хүмүүсээс асуусан чинь мэдэхгүй гэж байгаа юм даа ...

    0 0 Хариу бичих
  5. :)))

    0 0 Хариу бичих