БНХАУ цар тахлын улмаар "Тэг Ковид" бодлого барьж буй. Энэ нь манайд улсын эдийн засагт тодорхой нөлөө үзүүлж байгаа юм. Тэгвэл тус улс хатуу хөл хорионы бодлогоо сулруулж болзошгүй талаар Ерөнхий сайд Л.Оюун-Эрдэнэ мэдээллээ. Тэрээр "БНХАУ-ын "Тэг Ковид" бодлого нь зөвхөн манай улс биш дэлхийн эдийн засагт бүхэлд нь нөлөөлж байгаа. Үйлдвэрлэгч, худалдан авагч улс хилээ хаасан болохоор улс орнуудад бараа бүтээгдэхүүний хомсдол үүсэж байгаа. Гэхдээ урд хөрш хатуу хөл хориотой бодлогыг алхам алхмаар сулруулах шийдэл рүү явж байгаа тухай албаны мэдээг өнөөдөр авсан. Үүнийг сайн мэдээ гэж хүлээн авч байгаа. Учир нь тус шийдвэр экспортод шууд нөлөөлнө. Мөн өргөн хэрэглээний бараа бүтээгдэхүүний экспорт, импорт нэмэгдсэнээр барааны үнэ аяндаа тогтворжих таатай нөхцөл үүсэх байх" гэлээ.