Малдаа яваад сураггүй алга болсон 61 настай иргэнийг эсэн мэнд олжээ

Дундговь аймгийн Сайнцагаан сумын “Хөх-Овооны бууц” гэдэг газар малчин Б нь арван хоёрдугаар сарын 4-ний өдөр согтууруулах ундааны зүйл хэрэглэсэн үедээ малаа хураана гэж мотоциклтой яваад сураггүй алга болжээ. Түүний унаж явсан мотоцикл болон эд зүйлсийг гэрийн урд зүгт 1 км орчмоос нь олсон бөгөөд тэр даруй ОБЕГ-т дуудлага өгсөн байна. Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид болон ар гэрийнхэн малчин Б /61 настай, эрэгтэй/-г эрэн хайх ажиллагааг зохион байгуулж эхэлсэн байна. Улмаар гэрээс нь баруун урд зүгт 3 км-т “Арвижихын гол” гэдэг газар иргэн О-нд очсон мэдээллийн дагуу очиж шалган тухайн иргэнийг ар гэрийнхэнд нь хүлээлгэн өгчээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)