Сагсан бөмбөгийн ААШТ-ий эрхийн төлөөх тоглолтын урьдчилсан шатны II хэсэг Монголд болно

2025 онд зохион байгуулагдах Азийн Аварга Шалгаруулах Тэмцээний эрхийн төлөөх эхний шатны тоглолтуудыг Монгол улс анх удаа нутагтаа хүлээн авч Монгол Улсын шигшээ баг хэсгийн 2-р байраар дараагийн шатанд шалгарсан билээ.

Монголын Сагсан бөмбөгийн холбооноос FIBA Asia Cup 2025-Pre Qualifier-Second Round буюу 2-р шатны тэмцээнийг зохион байгуулах хүсэлтээ ФИБА-д илгээсэн юм.

Тэгвэл тус тэмцээнийг 2023 оны 2 дугаар сарын 24-26-ны өдрүүдэд Монгол Улсын нийслэл Улаанбаатар хотод зохион байгуулах эрх олгосныг албан ёсоор мэдэгдлээ.

Дараагийн шатны тус тэмцээнд Монгол, Тайланд, Малайз, Гуам, Хонконг, Сингапурын багууд өрсөлдөж шилдэг 4 баг Азийн аваргын урьдчилсан шатанд тоглох эрх авах юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)