Түгжрэлийн жинхэнэ буруутан хэн бэ
Бум бужигнаж, түм түжигнэсэн энэ л хотын хамгийн том асуудал нь өнөөх түгжрэл. Үүнд шийдэл хайсаар, буруутанг эрсээр, гаргалгааг хэлэлцсээр бид өчнөөн жилийг ардаа үдэв. Өдгөө ч халаглаж, шогширсоор л байна. Бүр аргаа бараад зөвхөн энэ асуудалд анхаарал хандуулах үүрэг, зориулалт бүхий Монгол Улсын сайдтай болсон. Тэглээ гээд байдал сайжраагүй. Хэзээ сайжрах нь ч тодорхойгүй л байна. Мэдээж, нэг сайд томилоод гялс шийдэгдчих асуудал байсан бол өдий олон жил түгжрэл арай ч ийм хэмжээнд хүрэхгүй байсан биз. Үүнд хугацаа орно гэдгийг би ч та ч, эрхэм сайд ч ойлгож буй. Түгжрэлийн сайд Ж.Сүхбаатар түгжрэлийн талаар авч хэрэгжүүлж байгаа арга хэмжээний талаар мэдээлэл өгөхдөө иргэд өөрсдөө дурандаа түгжирдэг анзааны юм ярьсан нь олны дургүйцлийг хүргэлээ. Тэрээр иргэд хичээчихвэл авто замын ачаалал тодорхой хэмжээгээр буурдаг хэмээсэн юм. Ингэхээр бид өөрсдөө, дурандаа түгжирдэг болж таарлаа. Түүнийхээр бол бид хичээхгүй байгаа болохоор үйлийн үрээ эдлэж байгаа хэрэг болох нь. Яармаг, Нисэхэд амьдардаг хүмүүс 09.00 цагийн ажилдаа амжихын тулд түгжрэлээс зугтаан үүрийн 06.00 цагт гэрээсээ гардаг. Тэд уйдсандаа эсхүл, унтаж амарч ханасандаа ингэж эрт явдаггүй нь лав. Ер нь иргэд хаашаа ч явсан 2-3 цагийн нөөц бодож, тооцоолсоор даджээ. Гэвч түгжрэл улам нэмэгдэж, бидний өглөө бүр эрт л эхэлж байна.
Маргааш цастай. Цас орно гэхээр нийслэлчүүдийн “яс хавталздаг”. Өнгөрөгч долоо хоногийн пүрэв гарагт орсон цаснаар нийслэл 0 зогсож, нам гацсан. Замын түгжрэл, нийтийн тээврийн хүрэлцээ яриад эхлэнгүүт дарга нар иргэд өөрсдөө хичээж, автомашиндаа хамтаараа зорчихыг иргэдэд санал болгож буй. Аргаа барсан хүний л хэлэх үг. Дээрээс нь түгжрэлийн сайд маань тоочих элдэв шалтгаан тасрахаа болилоо. Тэрээр өчигдөрхөн гэр хороололд эмийн сан байхгүйн улмаас иргэд эм авахаар түгжрэл үүсгэж байна гэж хэлсэн нь мөн л иргэдийн уур унтууг барлаа. Түгжрэлийн буруутан нь гэр хорооллынхон болж байх шиг байна. Энэ янзаараа түгжрэлийн сайдаас нэг их зүйл хүлээх хэрэггүй бололтой.
Зочин 12 өдрийн өмнө
Замын түгжрэл үүсэх асуудлыг шийдэхэд хэцүү нь ойлгомжтой.Гэхдээ Зарим орнуудад машины ашиглалтын хугацааг хуулиар зоаицуулалт хийдэг жишээ байна. Үүнд : Хэт их гүйлттэй ,мөн олон жил ашиглаж моралын элэгдэлд орсон машиныг осол аваар их гаргадаг,хот суурин газар агаарын их бохирдол гаргадаг ,гэх зэрэг шалтгаанаар хориглодог юм байна билээ. Манай хотын хувьд импортоор хуучин явж байсан машинууд орж ирдэг,Иймээс 2009 оноос өмнө үйлдвэрлэгдсэн машиныг хотод явуулахгүй байх нь зүйтэй юм.Мөн 2012 оноос өмнө үйлдвэрлэгдсэн машины импортыг хориглох.Мөн техник оношлогооны газруудыг сайн ажиллуулах.Техникийн үзлэгт тэнцэхгүй машиныг тэнцүүлдэг /Мөнгө авч / явдлыг таслан зогсоох. Энэ хэсэг бүлэг хүмүүс байнга ажиллаж байдагыг мөн зогсоох нь зүйтэй юм.Мөн Автобусны буудал дээр автобус зогсох талбайг хувийн такси эзэлчихээд Автобус зогсоолдоо ордог байдлыг хэвийн болгох.
0 0 Хариу бичихЗочин 13 өдрийн өмнө
Бага оврын шинэ болон шинэвтэр микро автобус явуулдаг болмоор байна!! Том автобуснууд нь зарим газар хоосон давхиад л байх юм? Жишээ нь, Шадивлан өөд!
1 0 Хариу бичихZalhuu2 13 өдрийн өмнө
Udurjin shunujinguu mashinaas saldgui Ulaanbaatarchuud.
2 0 Хариу бичихЗочин 13 өдрийн өмнө
Түгжрэл бидний сэтгэхүйд байгаа тэрнээс биш хотод их машин байхгүй, зам ч маш өргөн сайн байгаа.Яг бодитоор сайн ажиглаад харвал хотод маш цөөхөн машин маш өргөн замууд байгаа.Бидний сэтгэхүй буруу юмыг дүгнэж буруу талаас нь хардаг учраас бидэнд нарийн зам,маш их түгжирсэн машинууд харагдаад түгжрээнд байна.Түгжрэлд бид л буруутай засаг төр буруугүй.
4 3 Хариу бичихЗочин 13 өдрийн өмнө
Nuursnii hulgaichuudiin hurungiig ni huu huraaj avhad metro barih zardal ulsad asuudal uusgehguigeer garaad irchih yum bish uu
0 0 Хариу бичихЗочин 13 өдрийн өмнө
Сайдтай болоод тvгжрэлгvй болно гэж юу байхын. Замын хеделгеенд оролцож байгаа хvн бvр тvгжрээ vvсгэхгvй байх нехцелийг бvрдvvлэх хэрэгтэй байх. 1-рт Хедеений хvмvvc хотод ирж такси хийж автобусны буудал дээр зогсоод автобус тvvнээс болж зогсоолдоо зогсох боломжгvй болж тvгжрээ vvcдэг 2-р автобусны жолооч нар хvнээ буулгаж суулгахдаа зогсоолоо бvрэн ашиглаж зев зогсох. Яг буудалдаа зогсохгvй дутуу зогсоод ард нь машины тvгжрээ vvcээд дуут дохио хангинаад л байдаг 3-рт жолоочид замын хеделгеенд соелтой дvрмийн дагуу оролцох. би л явах естой гээд дайрч давшлаад дvрэм зерчиж осол авар гаргаж тvгжрээ их vvсгэдэг. 4-рт явган зорчигч гарцгvй газраар гvйж асуудал vvcгэдэг. 5-рт Зарим хvмvvc машины 2 дугаартай сольж хийгээд явдаг гэх мэтийн бага гэлтгvй зерчлvvд тvгжрээ vvсэхэд нелеелдег гэж боддог
1 0 Хариу бичихЗочин 13 өдрийн өмнө
Baasan garigt tsas orson shuu. Hun buriin meddeg yman dr bitii aldaldaa
0 0 Хариу бичих