Улсын Онцгой комиссын тавдугаар өргөтгөсөн хуралдаан Төрийн ордонд боллоо. Хуралдааны үеэр Эрүүл мэндийн сайд С.Энхболд дараах мэдээллийг өглөө.

Тэрээр “2022 оны эцэс, 2023 оны эхний улиралд цар тахлын шинэ давлагаа үүсэх, томуу, томуу төст өвчлөл нэмэгдэх эрсдэл байна. 2022 оны арваннэгдүгээр сарын 14-20-ны өдрүүдэд коронавируст халдварын нийт 1855 шинэ тохиолдол бүртгэгдсэн. Энэ нь өнгөрсөн долоо хоногтой харьцуулахад өссөн үзүүлэлт юм.

Мөн улсын хэмжээнд томуу, томуу төст өвчин идэвхжилийн түвшинд байна. Түүнчлэн ковид19 болон томуу, томуу төст өвчин хавсарч буй тохиолдол нэмэгдэж байна. Тиймээс ЭМЯ-наас олон нийтийг хамарсан арга хэмжээ зохион байгуулахгүй байхыг уриалж байна" гэв.