“Bee” театрын шинэхэн бүтээл “Хунгийн дуу” жүжиг өнөөдөр нээлтээ хийнэ. Алдарт зохиолч А.П.Чеховын зохиолоос сэдэвлэсэн энэхүү жүжгийг найруулагч Б.Баттулга найруулан тавьжээ. Жүжгийн гол дүр болох Светловидов Василий Васильичийн дүрд П.Мөнхдэлгэр, Никита Иванычита Иванычийн дүрд М.Бат-Эрдэнэ нар тоглох юм. "Хунгийн дуу" драмын жүжигт жүжигчин хүний мөн чанар, амьдрал, түүний итгэл үнэмшлийг өгүүлнэ. “Bee” театрын хувьд 2022 оны нэгдүгээр сард зохиолч П.Баярсайханы “Хүн гөрөөс” жүжгийг урлагийн гавьяат зүтгэлтэн Б.Мөнхдоржийн найруулгаар хүргэж байсан билээ.